क्रीडा

आयसीसी पुरस्कार जिंकणारी 'ही' ठरली पहिली भारतीय महिला क्रिकेटपटू

हरमनप्रीतने इंग्लंडविरुद्धच्या निराशाजनक टी-20 मालिकेनंतर वन-डे मालिकेत सर्वाधिक २२१ धावा केल्या

वृत्तसंस्था

आंतरराष्ट्रीय क्रिकेट परिषदेने (आयसीसी) सप्टेंबर महिन्यातील सर्वोत्तम महिला खेळाडूचा पुरस्कार हरमनप्रीत कौरला जाहीर केला आहे. ‘आयसीसी प्लेयर ऑफ द मंथ अॅवार्ड’ पटकाविणारी ती पहिली भारतीय महिला क्रिकेटपटू ठरली.

या पुरस्कारासाठी भारताच्या महिला क्रिकेट संघाची कर्णधार हरमनप्रीत कौरचा सामना भारताच्याच स्मृती मानधना आणि बांगलादेशची निगार सुलताना यांच्याशी होता. निवडलेल्या तीनही खेळाडूंनी अलीकडच्या काळात वेगवेगळ्या स्पर्धांमध्ये चमकदार कामगिरी केली आहे. भारताच्या हरमनप्रीत आणि स्मृती यांनी गेल्या महिन्यात इंग्लंडमध्ये झालेल्या वन-डे आणि टी-२० मालिकेत चमकदार कामगिरी केली. भारताने इंग्लंडविरुद्धची टी-२० मालिका गमावली, पण वन-डे मालिकेत इंग्लंडला पराभू्त केले.

हरमनप्रीतने इंग्लंडविरुद्धच्या निराशाजनक टी-20 मालिकेनंतर वन-डे मालिकेत सर्वाधिक २२१ धावा केल्या. तिने पहिल्या सामन्यात नाबाद ७४ आणि दुसऱ्या सामन्यात नाबाद १४३ धावा केल्या. भारताने १९९९ नंतर प्रथमच इंग्लंडमध्ये पहिली वन-डे मालिका जिंकली.

Mumbai Local Update : उद्या तिन्ही रेल्वे मार्गांवर ब्लॉक

प्रत्येक बालकाला २२ नोव्हेंबरला पोलिओचे डोस; मुंबईत रविवारी पल्स पोलिओ मोहीम; २३ ते २७ नोव्हेंबरदरम्यान लसीकरण

Instagram New Feature : स्टोरी पोस्ट करताना चूक झाली? टेन्शन नको! १५ मिनिटांत 'अशी' करा एडिट; जाणून घ्या सर्व प्रोसेस

Pune : महाराष्ट्र साहित्य परिषदेच्या आवारात महिलांचा राडा; शिवसेना ठाकरे गटाच्या रेखा कोंडे यांना मारहाण, चौघींवर गुन्हा दाखल

Mumbai : तरुणीची छेड काढली, विरोध करताच दोघांना बेदम मारहाण; कुर्ल्यातील व्हायरल VIDEO प्रकरणी ८ अल्पवयीन ताब्यात