उन्हाळ्यात शरीर हायड्रेट ठेवण्यासाठी थंड आणि फ्रेश ड्रिंक्स पिण्याकडे अनेकांचा कल असतो. अशावेळी बाजारात सहज उपलब्ध होणाऱ्या रसाळ लिचीपासून तुम्ही स्वादिष्ट आणि रिफ्रेशिंग मॉकटेल तयार करू शकता. लिचीची गोड चव, पुदिन्याचा फ्रेशनेस आणि लिंबाचा हलका आंबटपणा यामुळे हे ड्रिंक प्रत्येकाला नक्की आवडेल. विशेष म्हणजे ही रेसिपी काही मिनिटांत तयार होते.
साहित्य :
५ ते ६ लिची
४ ते ५ पुदिन्याची पानं
अर्धा लिंबू
१/४ टीस्पून मीठ
अर्धा टीस्पून साखर
आवश्यकतेनुसार सोडा वॉटर
आवश्यकतेनुसार बर्फ
सजावटीसाठी लिंबाचे तुकडे आणि पुदिन्याची पानं
कृती :
सर्वप्रथम लिची सोलून त्यातील गर वेगळा करा. हा गर हलक्या हाताने क्रश करा किंवा थोडासा ब्लेंड करून घ्या.
आता एका ग्लासमध्ये लिचीचा गर, पुदिन्याची पानं, लिंबाचा रस, मीठ आणि साखर घालून व्यवस्थित मिक्स करा. यानंतर त्यामध्ये बर्फाचे तुकडे घाला आणि वरून सोडा वॉटर ओता. सर्व मिश्रण हलक्या हाताने ढवळून घ्या.
शेवटी लिंबाचे स्लाइस आणि पुदिन्याची पानं घालून सजवा. तयार आहे थंडगार आणि रिफ्रेशिंग लिची मॉकटेल.
टिप्स :
अधिक चविष्ट बनवण्यासाठी थोडंसं काळं मीठ घालू शकता.
गोडपणा वाढवायचा असल्यास मधाचाही वापर करू शकता.
पार्टीसाठी सर्व्ह करताना ग्लासच्या कडेला लिंबाचा स्लाइस लावल्यास ड्रिंक अधिक आकर्षक दिसेल.
जास्त थंड ज्यूस आवडत असल्यास क्रश्ड आईस वापरा.
