सध्याच्या थंडगार वातावरणामध्ये काहीतरी गरम, हेल्दी आणि चवदार खाण्याची इच्छा होत असेल, तर मिक्स भाज्यांचा कटलेट एकदम परफेक्ट आहे. घरच्या घरी तयार करायला सोपा, आरोग्यदायी आणि मुलांपासून मोठ्यांपर्यंत सर्वांना आवडणारा हा स्नॅक, नाश्त्यासाठी किंवा संध्याकाळच्या चहासाठीही उत्तम पर्याय ठरतो.
साहित्य
१ मोठा कांदा (बारीक चिरलेला)
१ चमचा आले-लसूण पेस्ट
1½ चमचा हळद पावडर
१ चमचा लाल मिरची पावडर (चवीनुसार कमी-जास्त करा)
½ चमचा जिरे पावडर
१ चमचा गरम मसाला
१ उकडलेला बटाटा, मॅश केलेला
१ मोठा चमचा लिंबाचा रस
चिरलेली कोथिंबीर
२–३ मोठे चमचे तांदळाचे पीठ (मिश्रण घट्ट करण्यासाठी)
रवा (कोटिंगसाठी)
शॅलो फ्राय करण्यासाठी तेल
मीठ चवीनुसार
कृती
एका पॅनमध्ये थोडे तेल गरम करा. त्यात कांदा नरम होईपर्यंत परतून घ्या.
आले-लसूण पेस्ट घालून काही सेकंद परतून घ्या.
चिरलेल्या भाज्या घालून ३–४ मिनिटे शिजवा.
हळद, लाल मिरची पावडर, जिरे पावडर, गरम मसाला आणि मीठ घाला. चांगले मिसळा.
थोडे पाणी घालून झाकण ठेवून भाज्या नरम होईपर्यंत शिजवा; किंचित कुरकुरीत राहतील इतके शिजवणे पुरेसे.
गॅस बंद करा. त्यात मॅश केलेला बटाटा, लिंबाचा रस आणि कोथिंबीर घालून चांगले मिक्स करा. मिश्रण पूर्ण थंड होऊ द्या.
थंड झाल्यावर, तांदळाचे पीठ घालून मऊ पीठ मळा.
कटलेटचा आकार द्या आणि रव्यामध्ये दोन्ही बाजूने बुडवा.
गरम तेलात दोन्ही बाजू सोनेरी आणि कुरकुरीत होईपर्यंत शॅलो फ्राय करा.
गरम गरम हिरवी चटणी किंवा केचपसोबत सर्व्ह करा.
टिप्स
भाज्या अधिक कुरकुरीत हवी असल्यास शेवटी थोडे मिक्स व्हेजीटेबल्स क्रश करून घ्या.
मुलांसाठी करत असाल तर लाल मिरची कमी किंवा वगळता येईल.
कटलेट अधिक हेल्दी हवे असल्यास एअर फ्रायरमध्येही करू शकता.
पीठ जास्त घट्ट न ठेवता मऊ ठेवावे, अन्यथा कटलेट फाटू शकते.
