लांब आणि दाट केसांची काळजी घेणं हे अनेकांसाठी मोठं आव्हान असतं. विशेषतः केस सतत तेलकट होत असतील, तर वारंवार शॅम्पू करणंही त्रासदायक ठरतं. अनेकांना तर केस धुतल्यानंतर दुसऱ्याच दिवशी ते चिकट आणि ऑयली दिसू लागतात. अशावेळी रोज केस धुणं शक्य नसतं, पण तेलकट केसांमुळे संपूर्ण लूक खराब होतो.
मात्र काही सोप्या ट्रिक्स वापरून शॅम्पू न करताही केस फ्रेश आणि स्वच्छ दिसू शकतात.
१. ड्राय शॅम्पूचा वापर करा
ऑयली केसांसाठी ड्राय शॅम्पू हा झटपट उपाय मानला जातो.
कसा वापराल?
केसांच्या मुळांपासून थोडं अंतर ठेवून स्प्रे करा
१ ते २ मिनिटं तसेच ठेवा
नंतर हलक्या हाताने मसाज करा
यामुळे अतिरिक्त तेल कमी दिसतं आणि केस अधिक फ्रेश वाटू शकतात.
२. टिशू किंवा ब्लॉटिंग शीट्स वापरा
बाहेर असताना किंवा घाईत असाल, तर टिशू पेपरही उपयोगी ठरू शकतो.
टाळूवर हलक्या हाताने टिशू दाबल्यास अतिरिक्त तेल काही प्रमाणात कमी होण्यास मदत मिळू शकते.
३. टॅल्कम पावडर किंवा कॉर्नफ्लोर
ड्राय शॅम्पू उपलब्ध नसेल, तर हा घरगुती पर्याय वापरून पाहू शकता.
काय कराल?
थोडी पावडर केसांच्या मुळाशी लावा
हलक्या हाताने केस विंचरा
मात्र पावडरचं प्रमाण जास्त होणार नाही याची काळजी घ्या.
४. अॅपल सायडर व्हिनेगर स्प्रे
अॅपल सायडर व्हिनेगर पाण्यात मिसळून हलकं स्प्रे केल्यास टाळूवरील तेलकटपणा कमी होण्यास मदत मिळू शकते.
हे मिश्रण काही मिनिटं ठेवून नंतर केस विंचरल्यास केस अधिक हलके वाटू शकतात.
५. योग्य हेअरस्टाईल निवडा
वेळ कमी असेल तर स्लिक बन किंवा पोनीटेल हा उत्तम पर्याय ठरू शकतो.
यामुळे तेलकट केस कमी दिसतात आणि क्लीन, स्टायलिश लूक मिळण्यास मदत होते.
वारंवार शॅम्पू करणंही टाळा
तज्ज्ञांच्या मते, खूप वेळा केस धुतल्याने टाळूमधील नैसर्गिक तेलाचं संतुलन बिघडू शकतं. त्यामुळे योग्य हेअर केअर रूटीन ठेवणं महत्त्वाचं आहे.
केस फ्रेश ठेवण्यासाठी छोट्या सवयी महत्त्वाच्या
उशीचे कव्हर स्वच्छ ठेवा
केसांना वारंवार हात लावू नका
तेलकट पदार्थांचं प्रमाण नियंत्रित ठेवा
पुरेसं पाणी प्या
योग्य काळजी घेतल्यास रोज शॅम्पू न करताही केस फ्रेश, हलके आणि सुंदर दिसू शकतात.
(Disclaimer : या लेखातील माहिती ही सर्वसाधारण आरोग्यविषयक माहितीनुसार देण्यात आली आहे.‘नवशक्ति’ या माहितीच्या अचूकता किंवा परिणामकारकतेची हमी देत नाही. कोणताही उपाय करण्यापूर्वी वैद्यकीय तज्ज्ञांचा सल्ला घ्या.)
