बॉलीवूड अभिनेत्री तारा सुतारिया तिच्या ग्रेसफुल लूकसोबतच फिटनेसबाबतच्या साध्या दृष्टिकोनासाठी ओळखली जाते. फिट राहण्यासाठी उपाशी राहणं, टोकाचे डाएट किंवा गिल्टमध्ये जगणं, या सगळ्यांपासून ती मुद्दाम दूर राहते. HT Lifestyle ने दिलेल्या माहितीनुसार, तारा फिटनेसकडे ‘आनंद आणि समतोल’ या दृष्टीने पाहते.
फिट राहण्याचा सोपा फॉर्म्युला
ताराचा फिटनेस मंत्र खूप साधा आहे. तिला जे आवडतं ते ती खाते, पण प्रमाणात. कोणत्याही पदार्थावर ती कायमची बंदी घालत नाही. गोड, चटपटीत किंवा आवडीचे पदार्थ ती खातेच; मात्र अति करत नाही. तिच्या मते, सतत स्वतःला थांबवण्यापेक्षा समजून-उमजून खाणं जास्त चांगलं ठरतं.
पोर्शन कंट्रोल का महत्त्वाचं आहे?
तारा नेहमी पोर्शन कंट्रोलवर भर देते. एकाच वेळी जास्त खाण्याऐवजी गरजेपुरतंच खाणं ती पसंत करते. त्यामुळे शरीर हलकं राहतं आणि फिट राहणं सोपं जातं. योग्य प्रमाण ठेवलं तर आवडीचे पदार्थ सोडावे लागत नाहीत, असं तिचं मत आहे.
शूटिंगदरम्यान हेल्दी स्नॅक्सची सवय
लांब तासांचं शूटिंग असलं तरी तारा आपल्या खाण्याच्या सवयी बदलत नाही. ती नेहमी सेटवर बदाम किंवा फळं सोबत ठेवते. यामुळे काम करताना ऊर्जा टिकते आणि पोट जड वाटत नाही. व्यस्त वेळापत्रकातही योग्य खाणं महत्त्वाचं आहे, असं ती सांगते.
प्रोसेस्ड फूडला थेट ‘नाही’
तारा अतीप्रक्रिया केलेले पदार्थ टाळते. असे पदार्थ खाल्ल्यावर शरीरावर चांगले परिणाम होत नाहीत, असं ती स्पष्ट सांगते. त्यामुळे तिला ताजं, साधं आणि नैसर्गिक अन्न जास्त आवडतं.
गोडाची आवड, पण अति नाही
ताराला गोड फार आवडतं आणि ती ते लपवत नाही. कधी तरी चटपटीत खायचं मन झालं, तर ती रेड रॉक डेली चिप्स खाते. पण हे सगळं मर्यादेतच असतं. तिच्या मते, थोडं मनासारखं खाल्लं की फिटनेस सांभाळणं सोपं जातं.
लवकरच तारा सुतारिया यशसोबत ‘टॉक्सिक: अ फेरी टेल फॉर ग्रोन-अप्स’ या चित्रपटात झळकणार आहे. पण ग्लॅमरच्या पलीकडे, तिचा फिटनेस मंत्र सामान्य लोकांसाठीही सहज अंगीकारण्यासारखा आहे.
