मेष - कोणावरही अवलंबून न राहता आपली वाटचाल आपण करा. व्यापार-व्यवसायात व्यवस्थेचा अंदाज घेऊन निर्णय घ्या. आर्थिक फायदे मिळतील.
वृषभ - शक्ती पेक्षा युक्ति ने मार्ग काढाल. ते तुमच्याच फायद्याचे आहे. नोकरदारांनी आपल्या अधिकाराच्या मर्यादा ओलांडू नये. मित्र मंडळी वर जास्त विसंबून राहू नका. लाभ मिळतील.
मिथुन - कार्यक्षेत्रात आपले कर्तृत्व सिद्ध करण्यास मिळालेल्या संधीचे सोने करा. लक्ष्मी प्राप्तीचे योग आहेत. भाग्याची साथ मिळणार आहे.
कर्क - गृहकलह फारच क्लेशदायक असतात याचा प्रत्यय आपल्याला येणार आहे. कामानिमित्त होणाऱ्या प्रवासात त्रास संभवतो. काळजी घ्या. आर्थिक लाभ होतील.
सिंह -आपल्या कार्यक्षेत्रात आपण कर्तबगारीचा ठसा उमटवणार आहात. विरोधकांना न दुखावता त्यांना खडे बोल सुनावले तर सरशी तुमचीच आहे. दिवस आपणास सुखावह जाणार आहे.
कन्या -आपली जबाबदारी आणि आपले कर्तव्य यावर अधिक लक्ष देणे जरुरी आहे. प्रलोभनांपासून सावध राहणे. महिलांनी आहार व्यवहाराची बंधने पाळावी.
तुळ - आपल्या कामाची घोडदौड वेगाने होत राहणार आहे. आपला आत्मविश्वास आपल्या क्षेत्रात उपयुक्त ठरणार आहे. प्रतिष्ठित व्यक्तींकडून सहकार्य मिळणार आहे.
वृश्चिक - दुसऱ्यावर विसंबून न राहता स्वकर्तृत्वावर अधिक भर दिला तर सरशी तुमचीच आहे. महत्त्वाची कामे पार पडतील. संवादातून आर्थिक प्रगती साधता येईल.
धनु - कुणी कुणाचा कायमचा नसतो हे जाणून वागलात तर मनस्ताप होणार नाही. नातेवाईकांचे वागणे खटकले तरी लगेच त्यावर टोकाची प्रतिक्रिया देऊ नका.
मकर - नात्यातील प्रेमळ धागा जपला तर फायदा तुमचाच आहे. गोड बोलून कामे करून घ्या. आर्थिक नियोजन चांगले असणार आहे. आर्थिक फायदे होणार आहेत.
कुंभ - मानसिक अशांतता दूर झाल्याने प्रसन्ना असणार आहात. नवीन कामाची सुरुवात करण्याची शक्यता आहे. आपल्या समोर संधी दिसणार आहेत.
मीन - पेराल तेच उगवणार आहे. शब्दाने शब्द वाढवू नका. विरोधकांच्या हाती आपली महत्त्वाची माहिती जाणार नाही याची खबरदारी घ्या.जमतील तेवढ्याच जबाबदाऱ्या स्वीकारा.