मेष - कामाचे नियोजन करावे लागणार आहे. नाहीतर खूप धावपळ होण्याची शक्यता आहे. कामांमध्ये अडचणी येऊ शकतात, सहकारी सहकार्य करण्यास नाराज असतील.
वृषभ - व्यापार-व्यवसायात देण्याघेण्याचे व्यवहार सुरळीत होतील. कामाचा व्याप वाढणार आहे. भागीदाराचे सहयोग मिळेलच, त्यामुळे कामातील अडचणी कमी होतील व मार्ग सापडतील.
मिथुन - तुमच्या मनातील तणाव दूर करा, तरच काम सुरळीत होतील. आनंदी राहा आणि कामाला लागा. उत्साहाने काम केल्यास सुरळीत कामे होतील. जास्तीची कामे मात्र तुम्हाला करावी लागणार.
कर्क - आपल्या कल्पकतेचा व सृजनशीलतेची साहित्यिक लेखक कवी यांना चांगला फायदा होईल. नवी कामे मिळतील, आर्थिक फायदा निश्चितच होणार आहे. महत्त्वाची कामे करून घ्या.
सिंह - प्रॉपर्टीचा कामांमध्ये लक्ष घालावे लागणार आहे. मालमत्तेसंबंधी जे काही प्रश्न आहेत ते सर्वांनी मिळून सोडवावे लागणार आहे. त्यामध्ये ज्येष्ठांचा सल्ला आपणास फायदेशीर ठरेल.
कन्या - नातेवाईकांचे सहकार्य लाभेल. तुमच्या कलागुणांना वाव मिळेल. आनंदित राहाल. आज कोणत्याही प्रकारचा ताण असणार नाही. नोकरी व्यवसायात प्रगती करण्यासाठी पूर्ण प्रयत्नशील रहाल.
तुळ - घरातील आर्थिक व्यवहारांच्या बाबतीत कुटुंबातील व्यक्तींशी चर्चा करणे फायदेशीर ठरणार आहे. खर्चाचे प्रमाण वाढेल पण तो खर्च आनंदासाठी करणार आहात.
वृश्चिक - तुमच्या कर्तृत्वाला उजाळा मिळणार आहे. चांगल्या संधी येणार आहे, संधीचे चांगले सोने कराल. व्यवसाय वृद्धीचे प्रयत्न चांगले होतील. महत्त्वाची कामे हातावेगळी कराल.
धनु - व्यक्तिगत घडामोडी स्वतःच्या नियंत्रणात ठेवा. व्यापार व्यवसायामध्ये जास्त गुंतवणूक करावी लागणार आहे की नाही याचा विचार करून मगच निर्णय घ्या.
मकर - जिद्द व सातत्य यामुळे आपण काम पूर्ण करू शकता. त्यासाठी मित्र व सहकारी यांचे सहकार्य घ्याल. आर्थिक चणचण कमी होईल, त्यामुळे समाधानी राहील. खर्चही कराल.
कुंभ - कामाचा उत्साह राहणार आहे. बुद्धी कौशल्याने कामे करून घ्याल. लोकांची मने जिंकाल. सामाजिक कार्य व लोकशिक्षणाचे कार्य यामध्ये सहभागी व्हाल.
मीन - कामामध्ये लक्ष केंद्रित असेल, त्यामुळे कामे चांगली होतील. मोठे निर्णय घ्याल ते बरोबर ठरतील. त्यामुळे उद्योग व्यवसाय वाढवण्यासाठी आपल्याला सहाय्य लाभणार आहे.