नवी दिल्ली : सरकार प्रादेशिक वाहतूक विमाने (एसपीव्ही) बनवण्यासाठी विशेष उद्देश वाहने तयार करण्याच्या प्रक्रियेत आहे. विमाने आणि त्याचे घटक तयार करण्यासाठी भारतात आवश्यक धोरणे अस्तित्वात आहेत, असे नागरी विमान वाहतूक मंत्री के. राममोहन नायडू यांनी सोमवारी सांगितले.

राज्यसभेत प्रश्नांची उत्तरे देताना, मंत्र्यांनी विमानाचे घटक उत्पादन आणि एमआरओ (देखभाल, दुरुस्ती आणि परिचलन) यांना प्रोत्साहन देण्यासाठी सरकारने उचललेल्या पावलांवर प्रकाश टाकला, ज्यात एकसमान आयजीएसटी दर आहे. भारत हा जगातील सर्वात वेगाने वाढणाऱ्या नागरी उड्डाण बाजारपेठांपैकी एक आहे आणि देशांतर्गत वाहकांनी १,५०० पेक्षा जास्त विमानांसाठी ऑर्डर दिली आहे. कारण त्यांनी वाढत्या हवाई वाहतुकीची मागणी पूर्ण करण्यासाठी त्यांचा ताफा वाढवला आहे.

नायडू म्हणाले की, विमान निर्मितीच्या बाबतीत आमच्याकडे असलेली विचार प्रक्रिया आम्ही बदलली आहे. आम्ही म्हणत आहोत की भारत सध्या अशा टप्प्यावर आहे जिथे आम्ही उत्पादन करू शकतो, आम्ही डिझाइन करू शकतो आणि आम्ही विमानाची देखभाल करू शकतो.

पुढील मार्गाबद्दल स्पष्टीकरण देताना मंत्री म्हणाले की, सरकारने सर्वांगीण दृष्टिकोन स्वीकारला आहे आणि प्रादेशिक वाहतूक विमानांच्या निर्मितीसाठी विशेष उद्देश वाहन (एसपीव्ही) उत्पादन करण्याच्या प्रक्रियेत आहे. आमची पाच वर्षांसाठी एक ‘एसपीव्ही’ तयार करण्याची योजना आहे, जी सर्व आवश्यक हितधारकांना आणणार आहे. देशातील विद्यमान स्थितीचा अभ्यास करून एक ‘रोड मॅप’ तयार करेल आणि पाच वर्षांत विमान बनवण्याचा विचार आहे.

सरकार मेक इन इंडिया उपक्रमांना पुढे नेत असताना, टीडीपी नेत्याने यावर जोर दिला की राज्ये महत्वाची आहेत. कौशल्य हे देखील महत्त्वाचे आहे यावर भर देताना नायडू यांनी नमूद केले की, ५८ कार्यरत एफटीओ (फ्लाइंग ट्रेनिंग ऑर्गनायझेशन) आहेत आणि विमानाचे घटक तयार करण्यासाठी एक इकोसिस्टम तयार करण्यावर लक्ष केंद्रित केले आहे.

लेखी उत्तरात नायडू म्हणाले की, सीएसआयआर-एनएएल येथे स्वदेशी १९ आसनी हलके वाहतूक विमान Saras Mk2 विकसित करण्याचे काम प्रगतिपथावर आहे. सरस Mk2 उपक्रमाचे एचएएलसोबत सहकार्य आणि भागीदारी आहे. विमानात प्रगत कंपोझिट विंग, कंपोझिट आणि हलक्या वजनाच्या मटेरियल एअरफ्रेम, एव्हीओनिक्स, डिस्प्ले आणि कम्युनिकेशन सिस्टीम यांसारखे महत्त्वपूर्ण स्वदेशी घटक आणि तंत्रज्ञान आहेत. देशात स्वदेशी नागरी विमान घटकांच्या निर्मितीला चालना देण्यासाठी स्वदेशी सामग्रीसह विमानांचे उत्पादनांची संकल्पना करण्यात आली आहे. असे ते पुढे म्हणाले.