नवी दिल्ली: अब्जाधीश मुकेश अंबानी यांनी गुरुवारी नव्याने लागू झालेल्या जीएसटी सुधारणांना ग्राहकोपयोगी वस्तूंच्या विक्रीला मोठी चालना देणारे असल्याचे म्हटले तर त्यांच्या कंपनीने कर दरांमध्ये कपातीचा फायदा ग्राहकांना देण्याचे आश्वासन दिले.
देशातील सर्वात मोठ्या किरकोळ विक्रेत्याचे मालक असलेल्या रिलायन्स इंडस्ट्रीज लिमिटेडचे अध्यक्ष आणि व्यवस्थापकीय संचालक अंबानी यांनी भारतातील वस्तू आणि सेवा कर (जीएसटी) दरांच्या सुधारणांचे स्वागत केले. तसेच पंतप्रधान नरेंद्र मोदी यांनी भारतीय जनतेला दिवाळी भेट देण्याचे त्यांचे वचन पूर्ण केल्याबद्दल त्यांचे अभिनंदन केले.