नवी दिल्ली : राजधानी दिल्लीत सोमवारी चांदीच्या किमती ७,००० रुपयांनी वाढून १.५ लाख रुपये प्रति किलोग्रॅम या उच्चांकावर पोहोचल्या, तर जागतिक स्तरावर मजबूत ट्रेंडमध्ये सोन्याने १,१९,५०० रुपये प्रति १० ग्रॅमचा नवा उच्चांक गाठला, असे ऑल इंडिया सराफा असोसिएशनने म्हटले आहे.
९९.९ टक्के शुद्ध मौल्यवान धातूचा भाव १५०० रुपयांनी वाढून १,१९,५०० रुपये प्रति १० ग्रॅम (सर्व कर समाविष्ट) नव्या उच्चांकावर पोहोचला, जो मागील सत्रात १,१८,००० रुपये प्रति १० ग्रॅम होता.
स्थानिक सराफा बाजारात, ९९.५ टक्के शुद्ध सोन्याचा दरही शनिवारी १,१७,४०० रुपये प्रति १० ग्रॅमवरून १,१८,९०० रुपये प्रति १० ग्रॅम इतका वाढला.
चांदीच्या किमतीतही मोठी तेजी दिसून आली. चांदी ७,००० रुपयांनी वाढून १,५०,००० रुपये प्रति किलोग्रॅम (सर्व कर समाविष्ट) वर पोहोचली. त्यामुळे सलग चौथ्या सत्रात वाढ झाली. मागील व्यवहारात चांदीचा भाव १,४३,००० रुपये प्रति किलोग्रॅमवर बंद झाला होता.
परदेशात सोने आणि चांदीतही जोरदार वाढ झाली. स्पॉट गोल्ड जवळजवळ २ टक्क्यांनी वाढून ३,८२४.६१ डॉलर प्रति औंस या सर्वकालीन उच्चांकावर पोहोचला.