मुंबई : बॉलिवूड स्टार जोडपे दीपिका पदुकोण आणि रणवीर सिंग यांना रविवारी कन्या झाल्याचे वृत्त इन्स्टाग्रामवर प्रसारित करण्यात आले.
राम-लीला, बाजीराव मस्तानीसारख्या चित्रपटांमध्ये सह-अभिनय केलेल्या या जोडीतील दीपिकाला मुंबईतील खासगी रुग्णालयात दाखल केल्यानंतर तिने रविवारी एका मुलीला जन्म दिला. इन्स्टाग्रामवर तिने "स्वागत आहे बेबी गर्ल! ८.९.२०२४," असे लिहित गूड न्युज दिली.
त्यावर आलिया भट्ट, अर्जुन कपूर आणि अनन्या पांडे यांच्यासह अनेक सहकलाकारांनी सोशल मीडियावर दीपिका आणि रणवीरचे अभिनंदन केले.