बॉलिवूडमधील कार्तिक आर्यन आणि शाहिद कपूर या दोघांनीही आपल्या अभिनयाने प्रेक्षकांच्या मनात एक वेगळे स्थान निर्माण केलेले आहे. नुकतेच समोर आलेल्या बातमीनुसार, कार्तिक आर्यन हा शाहिद कपूरच्या जुहूच्या फ्लॅटमध्ये भाड्याने राहणार आहे. जुहूमध्ये शाहिद कपूरचा एक 'सी-फेसिंग' फ्लॅट आहे. पण याचे भाडे ऐकून तुमची थक्क व्हाल. कारण, या फ्लॅटमध्ये राहण्यासाठी त्याला ड्रमहिना ७.५० लाख रुपये मोजावे लागणार आहेत. या फ्लॅटचे ४५ लाख रुपये सिक्युरिटी डिपॉझिट भरले आहे.
मिळालेल्या माहितीनुसार, शाहिद कपूरने २०१४मध्ये जुहूतील प्रणेता बिल्डिंगमध्ये 'सी-फेसिंग' फ्लॅट गेहताला होता. या फ्लॅटमध्ये आता कार्तिक आर्यन भाड्याने राहणार आहे. ४५ लाख सिक्युरिटी डिपॉझिट आणि पहिल्या वर्षी ७.५० लाख प्रतिमहिना भाडे असणार आहे. दरवर्षी, ७ टक्क्याने या भांड्यामध्ये वाढ होणार आहे. या हिशोबाने, दुसऱ्या वर्षी ८.२० लाख आणि तिसऱ्या वर्षी ८.५८ लाख भाडे भरणार आहे. या फ्लॅटसोबत त्याला दोन चारचाकी पार्किंग स्लॉट देखील मिळणार आहेत.
अभिनेता शाहिद कपूरने मुंबईतील वांद्रे वरळी सी-लिंकजवळ एक आलिशान घर ४ वर्षांपूर्वी विकत घेतले होते. गेल्या काही महिन्यांपासून या घराचे काम चालू होते. मिळालेल्या माहितीनुसार, या घराची किंमत अंदाजे ५८ कोटी असल्याचे सांगितले जात आहे. वांद्रे वरळी सी-लिंकजवळ '३६०-वेस्ट' या बिल्डिंगच्या ४२व्या आणि ४३व्या मजल्यावर त्याचा हा ड्युप्लेक्स अपार्टमेंट आहे.