मराठी चित्रपटसृष्टीतील अभिनेत्री आणि नृत्यांगना मानसी नाईक कायमच आपल्या गाजलेल्या डान्स नंबरमुळे आणि बिनधास्त अंदाजामुळे चर्चेत असते. पण यावेळी ती कुठल्या चित्रपटामुळे नव्हे, तर तिच्या लहानपणीच्या खास आठवणींमुळे सोशल मीडियावर झळकतेय.

मानसीने नुकताच तिच्या शाळेतील काळातला एक जुना फोटो शेअर केला आणि फॅन्सना थेट १९९८ च्या ‘कुछ कुछ होता है’ फेजमध्ये घेऊन गेली.

या फोटोमध्ये मानसीचा खास ‘अंजली’ लूक दिसत आहे. बॉबकट हेअरस्टाईल, ९०s स्टाइलचा टर्टल नेक टॉप, हाय वेस्ट जीन्स आणि चेहऱ्यावर गोडसर आत्मविश्वास. तिच्या या फोटोसोबत तिने लिहिलंय, "Anjali Haircut in my school days… Because dil se I’m a complete Anjali. And yes, I was unibrow!" तिच्या या थ्रोबॅक पोस्टमधून तिचं बालपण, त्या काळातले सिनेमाचे प्रभाव, आणि तिच्यामधल्या 'फिल्मी अंजली'ची झलकही दिसली.

इंस्टाग्रामवर 'कुछ कुछ होता है फिव्हर 1998' अशी हॅशटॅगसारखी कॅप्शन देत तिने जणू त्या चित्रपट प्रेमींच्या आठवणी पुन्हा जाग्या केल्या.

मानसी सध्या सुबोध भावेसोबत ‘सकाळ तर होऊ द्या’ या आगामी मराठी चित्रपटात दिसणार असून, मोठ्या ब्रेकनंतर तिला पुन्हा रुपेरी पडद्यावर पाहण्याची उत्सुकता वाढली आहे.