रितेश देशमुख हा मराठी आणि हिंदी मनोरंजन क्षेत्रातील लोकप्रिय अभिनेता आहे. गेल्या काही दिवसांपासून तो त्याच्या 'वेड' या चित्रपटामुळे चर्चेत आहे. या चित्रपटाला प्रेक्षकांचा चांगला प्रतिसाद मिळत आहे. या चित्रपटातून रितेशने दिग्दर्शनात पदार्पण केले. काही दिवसांपूर्वी या चित्रपटाने 50 कोटींचा टप्पा पार केला. त्याच्या या कामगिरीचे सर्वत्र कौतुक होत आहे. पण आता त्याच्या एका पोस्टमुळे त्याला ट्रोलिंगचा सामना करावा लागत आहे. रितेश देशमुख सोशल मीडियावर चांगलाच सक्रिय दिसतो. त्याचा चाहता वर्गही मोठा आहे. तो त्याच्या आयुष्यातील महत्त्वाच्या घटना सोशल मीडियावर चाहत्यांसोबत शेअर करतो. नुकतीच त्याने ऑनलाइन गेमिंग अॅपची जाहिरात केली. हा व्हिडिओ त्याने त्याच्या इंस्टाग्राम अकाउंटवर पोस्ट केला आहे. मात्र त्याने ही जाहिरात केल्याने नेटकऱ्यांना धक्का बसला. रितेशने नुकताच त्याच्या इंस्टाग्राम अकाउंटवरून एक व्हिडिओ पोस्ट केला आहे. यामध्ये तो एका गेमिंग अॅपवर लुडो खेळताना दिसत आहे. हे खेळ खेळून तुम्ही भरपूर पैसे जिंकू शकता असेही तो म्हणाला. मात्र त्याने केलेली ही जाहिरात नेटकऱ्यांना आवडली नाही. आता नेटकऱ्यांनी त्याला ट्रोल करायला सुरुवात केली आहे.
या व्हिडिओवर टिप्पणी करताना एका नेटिझनने लिहिले की, “आता कुठे मी तुमचा चाहता झालो आणि तुम्ही हा व्हिडिओ पोस्ट करून सगळी मजाच घालवली. कृपया या अॅप्सचा प्रचार करू नका.” तेव्हा दुसरा नेटकरी म्हणाला, “दादा, आम्ही तुमचा खूप आदर करतो. तुम्ही अशा जाहिराती करू नयेत.” दुसर्‍या नेटिझनने लिहिले, “दादा, तुमच्याकडून हे अपेक्षित नव्हते. जुगार हा एक खेळ आहे ज्यामध्ये तुम्ही प्रत्येक वेळी जिंकण्याची अपेक्षा करत आहात. या सर्व कर्मरणावर रितेश आता काय प्रतिकिया देतो हे पाहणे मजेशीर ठरेल.