दाक्षिणात्य सुपरस्टार सुर्या हा त्याच्या आगामी कांगुवा या सिनेमामुळे चांगलाच चर्चेत आला आहे. मात्र, सुर्याबाबत एक बातमी समोर आल्याने त्याच्या चाहत्यांना धक्काच बसला आहे. चित्रपटाची शुटिंग सुरु असताना सुर्याचा अपघात झाला असून यात तो गंभीर जखमी झाला असल्याचं बोललं जात आहे. यानंतर तात्काळ शुटिंग युनिटला तात्काळ अलर्ट करण्यात आला आहे.

अपघात घडल्यानंतर सुर्याला तात्काळ स्थानिक रुग्णालयात दाखल करण्यात आलं आहे. सूर्याला या अपघातात गंभीर दुखापत झाल्याचं सांगितलं जात आहे. चेन्नईत कांगुवा या चित्रपटाचं शुटिंग सुरु असताना हा अपघात झाला असल्याची माहिती आहे.

मीडिया रिपोर्ट्सनुसार चित्रपटाच्या शुटिंगवेळी एक सीन शुट करत असताना सूर्यावर कॅमेरा पडून हा अपघात झाला. यात त्याच्या खांद्याला गंभीर दुखापत झाली. सुर्या सध्या रुग्णालयात उपचार घेत असून त्याच्या प्रकृतीबाबत अद्याप कोणतीही माहिती समोर आलेली नाही.