वॉशिंग्टन : अमेरिकेच्या अलाबामा राज्यात केनेथ स्मिथ या व्यक्तीला नायट्रोजन वायूने ​​मृत्यूदंडाची शिक्षा सुनावली आहे. ही शिक्षा टाळण्यासाठी स्मिथने गुरुवारी रात्री उशिरा अमेरिकेच्या सर्वोच्च न्यायालयात अपील केले, ते फेटाळण्यात आले. यानंतर अमेरिकेत नायट्रोजन वायूने ​​मृत्युदंडाची शिक्षा देण्याची ही पहिलीच घटना आहे.

स्मिथला १९८८ मध्ये झालेल्या एका हत्येप्रकरणी दोषी ठरवले. एका पादरीने स्मिथला त्याच्या पत्नीला मारायला लावले. २०२२ मध्ये स्मिथला विषारी इंजेक्शन देऊन शिक्षा करण्याचा प्रयत्न करण्यात आला, पण तो वाचला. नायट्रोजन वायूने ​​मृत्युदंडाचे समर्थन करणारे लोक म्हणतात की ते वेदना न होता मारते. तर संयुक्त राष्ट्रांच्या आणि इतर तज्ञांचे मत आहे की, नायट्रोजन वायूमुळे तडफडून मृत्यू होतो.

अलाबामा तुरुंगातील अधिकाऱ्यांनी दिलेल्या माहितीनुसार, स्मिथला प्रथम एका चेंबरमध्ये नेऊन त्याला स्ट्रेचरवर बांधले. त्याच्या तोंडावर मुखवटा घातला गेला आणि त्यात नायट्रोजन वायू सोडला गेला. श्वास घेताच हा वायू संपूर्ण शरीरात पसरला आणि शरीराच्या सर्व अवयवांनी काम करणे बंद केले. यामुळे स्मिथचा मृत्यू झाला.

मास्क परिधान करताना नायट्रोजन वायूचा श्वास घेतल्याने उलट्या होऊ शकतात, ज्यामुळे मृत्यूदंडाची प्रक्रिया बाधित होऊ शकते. स्मिथच्या वकिलानेही हा युक्तिवाद केला. हे टाळण्यासाठी तुरुंग प्रशासनाने स्मिथला सकाळी दहानंतर काहीही खायला दिले नाही. नायट्रोजन वायू श्वासात घेऊन मृत्यूदंड देणे म्हणजे तोंडाला प्लास्टिकने झाकून मारल्यासारखे आहे. फरक एवढाच की नायट्रोजनऐवजी कार्बन डायऑक्साइडमुळे मृत्यू होतो.