कोरोनासारख्या नव्या संसर्गाची चर्चा; रशियात टेस्ट ट्यूब फुटल्याने कर्मचारी महिलेचा मृत्यू प्रातिनिधिक छायाचित्र
आंतरराष्ट्रीय

कोरोनासारख्या नव्या संसर्गाची चर्चा; रशियात टेस्ट ट्यूब फुटल्याने कर्मचारी महिलेचा मृत्यू

रशियाच्या सायबेरिया भागातील इर्कुत्स्क येथे एका २८ वर्षीय लॅब कर्मचारी महिलेच्या मृत्यूनंतर न्यूमोनिक प्लेगच्या संभाव्य संसर्गाची चर्चा सुरू झाली आहे. प्रयोगशाळेत २५ सप्टेंबर रोजी जिवंत विषाणू असलेली टेस्ट ट्यूब फुटल्याने तिला हा संसर्ग झाल्याचे सांगितले जात आहे.

Swapnil S

मॉस्को : रशियाच्या सायबेरिया भागातील इर्कुत्स्क येथे एका २८ वर्षीय लॅब कर्मचारी महिलेच्या मृत्यूनंतर न्यूमोनिक प्लेगच्या संभाव्य संसर्गाची चर्चा सुरू झाली आहे. प्रयोगशाळेत २५ सप्टेंबर रोजी जिवंत विषाणू असलेली टेस्ट ट्यूब फुटल्याने तिला हा संसर्ग झाल्याचे सांगितले जात आहे. विषाणूच्या संपर्कात येताच तब्येत खालावल्यानंतर तिला रुग्णालयात दाखल करण्यात आले. उपचारादरम्यान तिचा मृत्यू झाला. तिच्या संपर्कात आलेल्या जवळपास २०० जणांना खबरदारीचा उपाय म्हणून वैद्यकीय निरीक्षणाखाली ठेवण्यात आले आहे.

संबंधित महिला इर्कुत्स्क अँटी-प्लेग रिसर्च इन्स्टिट्यूटमध्ये लॅब टेक्निशियन म्हणून कार्यरत होती. महिलेने रुग्णालयात सांगितले होते की, प्रयोगशाळेत काम करत असताना जिवंत जैविक नमुने असलेली एक टेस्ट ट्यूब तिच्याकडून फुटली होती. मात्र, रशियाची आरोग्य संस्था रोस्पोट्रेबनादझोरने प्रयोगशाळेत कोणतीही टेस्ट ट्यूब फुटल्याचे स्पष्टपणे नाकारले आहे. या सगळ्या प्रकारानंतर एकच खळबळ उडाली असून प्रशासकीय यंत्रणा सतर्क झाली आहे.

संस्थेच्या म्हणण्यानुसार, महिलेच्या नमुन्यात तिच्या प्रयोगशाळेतील कामाशी संबंधित सूक्ष्मजीव आढळलेले नाहीत. त्यामुळे टेस्ट ट्यूबमध्ये नेमका कोणता जैविक नमुना होता, याबाबत सध्या अधिकृत माहिती उपलब्ध नाही.

(संबधित इंग्रजी बातमी वाचण्यासाठी येथे क्लिक करा.)

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न