अंतराळातून परतलेल्या 'स्टारशिप'ला झेलले 
आंतरराष्ट्रीय

अंतराळातून परतलेल्या 'स्टारशिप'ला झेलले

एलॉन मस्क यांच्या स्पेसएक्स कंपनीच्या ‘स्टारशिप’ या महाकाय अंतराळयानाने शनिवारी पृथ्वीवर यशस्वी पुनरागमन केले. २२ तासांपूर्वी ज्या प्रक्षेपणस्थळावरून त्याने उड्डाण केले होते, त्याच ठिकाणी प्रक्षेपण मनोऱ्यावरील विशाल यांत्रिक बाहूंनी या अंतराळयानाला हवेतच अलगद पकडले.

Swapnil S

केप कॅनव्हेरल : एलॉन मस्क यांच्या स्पेसएक्स कंपनीच्या ‘स्टारशिप’ या महाकाय अंतराळयानाने शनिवारी पृथ्वीवर यशस्वी पुनरागमन केले. २२ तासांपूर्वी ज्या प्रक्षेपणस्थळावरून त्याने उड्डाण केले होते, त्याच ठिकाणी प्रक्षेपण मनोऱ्यावरील विशाल यांत्रिक बाहूंनी या अंतराळयानाला हवेतच अलगद पकडले. अंतराळातून परतलेल्या स्टारशिपला अशा प्रकारे पकडण्याची ही पहिलीच घटना ठरली आहे.

एलॉन मस्क आणि त्यांच्या टीमला अपेक्षित असलेला हा ऐतिहासिक क्षण होता. मात्र, शुक्रवारी टेक्सासमधून उड्डाण केल्यानंतर स्टारशिपच्या पहिल्या टप्प्यातील बूस्टरचा स्फोट झाल्याने कंपनीला दोन्ही टप्पे यशस्वीरीत्या पकडण्याचे उद्दिष्ट साध्य करता आले नाही. चंद्र आणि मंगळावरील अंतराळ मोहिमा अधिक वेगवान करण्यासाठी दोन्ही टप्प्यांचे पुनर्प्राप्तीकरण महत्त्वाचे मानले जाते.

मेक्सिकोच्या आखातात बूस्टरचे अवशेष पडले असून, त्या परिसराला तरंगत्या संरक्षक खूणचिन्हांच्या साहाय्याने बंदिस्त करण्यात आले आहे. दरम्यान, स्टेनलेस स्टीलपासून बनवलेले, गोळीसारखा आकार असलेले अंतराळयान प्रक्षेपणस्थळी उभ्या स्थितीत खाली उतरले.

स्पेसएक्सचे समालोचक डॅन हॉट यांनी उत्साहाने प्रतिक्रिया देताना म्हटले, "तुम्हाला यावर विश्वास बसतोय का? तिच्याकडे पाहा! अखेर ती परत आली!"

यानंतर काही वेळातच मस्क यांनी आपल्या "अविश्वसनीय टीमचे" अभिनंदन केले. स्पेसएक्सच्या अधिकाऱ्यांनी सांगितले की, शनिवारी झालेल्या या यशस्वी पकडण्यामुळे स्टारशिपचा पूर्णपणे पुनर्वापर करण्याची क्षमता सिद्ध झाली आहे. जलद आणि कमी खर्चात अंतराळयानाचा पुन्हा वापर करण्यासाठी ही बाब अत्यंत महत्त्वाची आहे.

शुक्रवारी बूस्टरची पुनर्प्राप्ती अयशस्वी झाली असली, तरी यापूर्वी कंपनीने बूस्टरला पकडण्याचे तीन प्रयोग यशस्वी केले आहेत. त्यामुळे या तंत्रज्ञानाची उपयुक्तता सिद्ध झाली आहे.

(संबधित इंग्रजी बातमी वाचण्यासाठी येथे क्लिक करा.)

मतदार यादीत नाव नसल्यास पुन्हा अर्ज करा; नोंदणी केली असली तरी कारवाई नाही- निवडणूक आयोग

आरोग्य क्षेत्र आयसीयूत; केंद्राच्या अहवालातून महाराष्ट्राचे जळजळीत वास्तव उघड

आदिवासींचा मताधिकारही नाकारला; पंतप्रधान मोदी यांचा काँग्रेसवर आरोप

देशाची बदनामी केलीत तर ३० वर्षे सत्ता मिळणार नाही; अमित शहा यांचे राहुल गांधींवर टीकास्त्र

Mumbai : कंपन्यांनी थकवला २३३ कोटी मालमत्ता कर; दहा ते १५ वर्षांपासून BMC ला वसुलीत अपयश