नाश्ता म्हटलं की कांदेपोहे, शिरा, उपमा हेच डोळ्यासमोर येतात आणि खरं सांगायचं तर हे सगळे पदार्थ चविष्ट असले तरी रोज रोज खाल्ले की चवीतली मजा हरवते. कधी कधी नाश्त्यात काहीतरी हटके, वेगळ्या चवीचं आणि पौष्टिक खाल्लं की दिवसाची सुरुवातच एकदम खास होते आणि मूडही ताजा होतो. म्हणूनच आम्ही तुमच्यासाठी घेऊन आलो आहोत काहीतरी हटके- ऑइल-फ्री, हेल्दी आणि टेस्टी उत्तपम जो तुमच्या सकाळी मस्त नवा ट्विस्ट देईल.

साहित्य -

2 वाटी रवा

1 वाटी दही किंवा ताक

1 चारीक चिरलेला कांदा

1 बारीक चिरलेली शिमला मिरची

1 टोमॅटो, 100 ग्रॅम पनीर

1 काकडी, हिरव्या मिरच्या

बारीक चिरलेली कोथिंबीर

तेल किंवा तूप (ऐच्छिक)

मीठ

कृती -

सर्वप्रथम रवा एका भांड्यात घ्या. त्यात ताक किंवा दही मिसळा आणि अर्धा तास झाकून ठेवा. नॉनस्टिक तव्यावर हलकंसं तेल किंवा तूप लावून तयार केलेला रव्याचा घोळ पसरवा. वर कांदा, शिमला मिरची, टोमॅटो, पनीर आणि काकडीचे काप मांडून घ्या. त्यावर हिरवी मिरची, कोथिंबीर आणि मीठ भुरभुरवा. इच्छा असल्यास वरून थोडंसं तूप किंवा तेल सोडा. मंद आचेवर दोन्ही बाजूंनी सोनेरी होईपर्यंत शेकून घ्या.

गरमागरम उत्तपम तयार! हिरव्या चटणी किंवा सांबारसोबत सर्व्ह करा आणि नाश्त्याचा मस्त ट्विस्ट अनुभवून बघा.