दररोजच्या नाश्त्यात किंवा संध्याकाळच्या स्नॅकमध्ये काहीतरी वेगळं आणि चविष्ट खाण्याची इच्छा होते. अशावेळी घरात उपलब्ध असलेल्या साध्या साहित्यातून हराभरा कबाब झटपट तयार करता येतो. हिरवे वाटाणे, बटाटा आणि मसाल्यांच्या चवीमुळे हा पदार्थ कुरकुरीत आणि खमंग लागतो. कमी वेळात तयार होणारा हा शाकाहारी स्नॅक घरातील लहानांपासून मोठ्यांपर्यंत सगळ्यांनाच आवडतो.
साहित्य
हिरवे वाटाणे
बटाटे
हिरवी मिरची
पालक
ब्रेडचा चुरा
आलं-लसूण पेस्ट
गरम मसाला
हळद
मीठ
चाट मसाला
कोथिंबीर
तेल
कृती
१. भाज्या शिजवून घ्या -
सर्वप्रथम कुकरमध्ये स्वच्छ धुतलेले हिरवे वाटाणे आणि बटाटे टाकून शिजवून घ्या.
२. मिश्रण तयार करा -
भाज्या थंड झाल्यानंतर मिक्सरमध्ये शिजवलेल्या भाज्या आणि पालक घालून जाडसर पेस्ट तयार करा.
३. मसाले घालून मिक्स करा -
मोठ्या भांड्यात बटाटा मॅश करून त्यात तयार केलेली पेस्ट, हिरवी मिरची, आलं-लसूण पेस्ट, कोथिंबीर आणि सर्व मसाले घालून चांगले मिक्स करा.
४. कबाबचे आकार द्या -
तयार मिश्रणाचे छोटे-छोटे गोळे करून टिक्कीचा आकार द्या. नंतर त्या ब्रेडच्या चुऱ्यात घोळवा.
५. तव्यावर कुरकुरीत भाजा -
कढईत किंवा तव्यावर थोडे तेल गरम करून टिक्क्या दोन्ही बाजूंनी छान कुरकुरीत होईपर्यंत भाजून घ्या.
गरमागरम हराभरा कबाब पुदिन्याच्या चटणी किंवा टोमॅटो सॉसबरोबर सर्व्ह केल्यास त्याची चव आणखी वाढते.