स्वातंत्र्यदिन म्हटलं की तिरंग्याच्या रंगांनी सजलेले पदार्थ बनवण्याचीही अनेकांना उत्सुकता असते. यंदा नेहमीच्या पिझ्झाला थोडा देशी ट्विस्ट देत केशरी, पांढरा आणि हिरवा अशा तिरंगी रंगांचा खास पिझ्झा बनवून पाहा. गाजर, चीज, हिरवी सिमला मिरची आणि ऑलिव्हजच्या मदतीने तयार होणारा हा पिझ्झा दिसायला आकर्षक आणि चवीला स्वादिष्ट लागतो. स्वातंत्र्यदिनाच्या पार्टीसाठी किंवा मुलांसाठी ही रेसिपी नक्की ट्राय करू शकता.
साहित्य :
१ (१२ इंच) पिझ्झा बेस
५० ग्रॅम पिझ्झा सॉस
११० ग्रॅम मोझरेला चीज
५ ग्रॅम ब्लॅक ऑलिव्हज
६० ग्रॅम हिरवी सिमला मिरची
६० ग्रॅम गाजर
५ ग्रॅम ऑलिव्ह ऑइल
कृती :
पिझ्झा बेस तयार करा - पिझ्झा बेस एका प्लेट किंवा बेकिंग ट्रेवर ठेवा. त्यावर टोमॅटो पिझ्झा सॉस व्यवस्थित पसरवा.
चीजचा थर द्या - सॉसवर मोझरेला चीज पसरवा. त्यानंतर पुन्हा थोडा पिझ्झा सॉस आणि मोझरेला चीजचा थर द्या.
तिरंगी रंगांची सजावट करा - गाजर, ब्लॅक ऑलिव्हज आणि हिरवी सिमला मिरची भाजून किंवा हलकी परतून घ्या. त्यानंतर पिझ्झ्यावर केशरी, पांढरा आणि हिरवा रंग दिसेल अशा पद्धतीने भाज्या मांडून घ्या.
पिझ्झा बेक करा - पिझ्झा प्रीहीट केलेल्या ओव्हनमध्ये ठेवा. वुड-फायर ओव्हन असल्यास साधारण ४ ते ५ मिनिटे बेक करा. घरच्या ओव्हनमध्ये चीज वितळून वरून हलका सोनेरी रंग येईपर्यंत बेक करा.
गरमागरम सर्व्ह करा - पिझ्झा तयार झाल्यानंतर त्यावर थोडे ऑलिव्ह ऑइल घाला आणि गरमागरम सर्व्ह करा.
परफेक्ट तिरंगा पिझ्झासाठी टिप्स :
गाजर आणि सिमला मिरची आधी हलकी भाजल्यास त्यांची चव अधिक खुलते.
पिझ्झा बेसवर सॉस आणि चीजचा थर खूप जाड ठेवू नका.
तिरंग्याचे तीन रंग स्पष्ट दिसतील अशा पद्धतीने भाज्या मांडून घ्या.
पिझ्झा बेक करण्यापूर्वी ओव्हन व्यवस्थित प्रीहीट करा.
चीज चांगले वितळले आणि वरून हलका सोनेरी रंग आला की पिझ्झा बाहेर काढा.
पिझ्झा बेक झाल्यानंतर लगेच कापण्याऐवजी १-२ मिनिटे थांबल्यास चीज व्यवस्थित सेट होते.
मुलांना आवडत असल्यास स्वीट कॉर्न, पनीर किंवा मशरूमचाही वापर करू शकता.