२६ जानेवारी म्हणजेच प्रजासत्ताक दिन देशभरात उत्साहात साजरा केला जातो. शाळा, महाविद्यालये, कार्यालये, सोसायटींमध्ये विविध कार्यक्रमांचे आयोजन केले जाते. या खास दिवशी मुलींना साध्या पण आकर्षक पद्धतीने तयार होता येते. जाणून घेऊया प्रजासत्ताक दिनासाठी मुलींसाठी उपलब्ध असलेले काही सुंदर पर्याय.
प्रजासत्ताक दिनासाठी केशरी, पांढरा आणि हिरवा रंग असलेला तिरंगी ड्रेस, कुर्ती किंवा साडी परिधान करता येते. हा लूक देशभक्तीची भावना अधोरेखित करतो.
पांढरा रंग शांती आणि स्वच्छतेचे प्रतीक आहे. पांढऱ्या कुर्तीसोबत तिरंगी दुपट्टा किंवा बॅज लावल्यास साधा पण उठावदार लूक मिळतो.
ऑफिस किंवा कॉलेजमध्ये कार्यक्रम असणाऱ्या मुलींसाठी पांढरी साडी, तिरंगी बॉर्डर असलेली साडी किंवा खादी साडी हा उत्तम पर्याय ठरतो.
तिरंगी बॅज, बांगड्या, हेअरबँड, इयररिंग्स, स्कार्फ किंवा ब्रोच वापरून लूक अधिक आकर्षक करता येतो.
या दिवशी हलका मेकअप योग्य ठरतो. न्यूड फाउंडेशन, हलकी लिपस्टिक आणि तिरंगी नेल आर्ट लूक पूर्ण करतो.
तिरंगी रिबन वापरून वेणी, पोनीटेल किंवा बन हेअरस्टाईल करता येते. शाळकरी मुलींसाठी हा पर्याय विशेष लोकप्रिय आहे.
खादी किंवा हँडलूम कपड्यांचा वापर केल्यास देशभक्तीबरोबरच स्वदेशीला पाठिंबा दिल्याचा संदेशही दिला जातो.
महत्त्वाची सूचना: कोणतेही तिरंगी वस्त्र परिधान करताना आणि तिरंगी अॅक्सेसरीज वापरताना तिरंगी ध्वजाचा अपमान होणार नाही, याची विशेष काळजी घ्या.