दापोली- हण्र मार्गावर रिक्षा आणि ट्रक यांच्यात झालेल्या घडकेत रिक्षाचालकासह ८ प्रवाशांचा मृत्यू झाला होता. तर ६ प्रवासी जखमी झाले होते. मुख्यमंत्री एकनाथ शिंदे यांनी या दुर्घेटनेवर शोक व्यक्त करत मृतांच्या नातेवाईकांना पाच लाखांची आर्थिक मदत जाहीर केली आहे.
पालकमंत्री उदय सामंत यांच्याकडून शिंदे यांनी या प्रकरणाची माहिती घेतली. यावेली मुख्यमंत्री सहायता निधीतून मृतांच्या नातेवाईकांना ५ लाख रुपयांची आर्थिक मदत देण्याचे निर्देश त्यांनी दिले आहेत. तसंच या घटनेत जखमी झालेल्या प्रवाशांवर योग्य ते वैद्यकीय उपचार हे शासकीय खर्चाने करण्याच्या सूचनाही शिंदे यांनी प्रशासनाला दिल्या आहेत.
रविवारी (२५ जून) दुपारी दोन वाजेच्या सुमारास रिक्षा आणि ट्रक यांची समोरासमोर धडक होऊन अपघात झाला. यात रिक्षा काही अंतर फरफटत गेली. या अपघातात रिक्षाचा चक्काचूर झाला आहे. या अपघातात पाच जणांचा जागीच मृत्यू झाला. तर दोन जणांचा रुग्णालयात उपचार घेत असताना मृत्यू झाला होता. तर एक महिलेला डेरवण येथे नेत असताना मृत्यू झाला. या अपघातानंतर ट्रकचालक आणि क्लिनर यांनी घटनास्थळावरुन पळ काढला होता. दापोली पोलिसांकडून त्यांचा शोध सुरु आहे.