कराड : सातारा येथील कर्मवीर भाऊराव पाटील विद्यापीठातील रयत शिक्षण संस्थेच्या छत्रपती शिवाजी कॉलेजचा मराठी विभाग व कोल्हापूर येथील शिवाजी विद्यापीठ मराठी शिक्षक संघ यांचा सामंजस्य करार नववर्षाचे औचित्य साधून सोमवारी १जानेवारी रोजी करण्यात आला. शिवाजी विद्यापीठ मराठी शिक्षक संघ ही शिवाजी विद्यापीठ क्षेत्रातील मराठी शिक्षक यांची महाराष्ट्रातील साहित्य आणि भाषाप्रेमी यांचे संघटन आहे. मराठी भाषा, साहित्य आणि संस्कृती यांचे संवर्धन आणि विकसन करण्याचे ध्येय घेऊन या संघटनेने आजवर मराठी प्राध्यापक व विद्यार्थी यांच्यासाठी अनेक कार्यक्रम केले.या संघटनेचे आजवर अनेक महाविद्यालये व विद्यापीठाचे विभाग यांचेशी सामंजस्य करार झालेले आहेत.