नाशिक : समता नागरी सहकारी पतसंस्थेच्या राहाता येथील शाखेत बोगस खाती उघडून आर्थिक गैरव्यवहार केल्याप्रकरणी शिर्डी पोलिसांनी अटक केलेला मुख्य आरोपी आणि भोंदूबाबा अशोक खरात याला न्यायालयाने ७ऑगस्टपर्यंत पोलिस कोठडी सुनावली आहे. 'दैवी शक्ती'च्या नावाखाली भक्तांची फसवणूक करणाऱ्या भोंदू अशोक खरातच्या मनी लॉन्ड्रिंग प्रकरणात सक्तवसुली संचालनालयाने काही धक्कादायक पुरावे समोर आणले आहेत.
अनेक लोकांची आर्थिक फसवणूक करण्यासोबतच शेकडो महिलांचे लैंगिक शोषण करणाऱ्या खरातवर महिला अत्याचाराचे तब्बल आठ गुन्हे दाखल आहेत, अशा भोंदूबाबा अशोक खरातचा ताबा आता सक्तवसुली संचालनालयाच्या विशेष पथकाने घेतला आहे.