अरबी समुद्रात कमी दाबाचा पट्टा निर्माण झाला असून याचा रुपांतर चक्रीवादळात होऊ शकतं, असा अंदाज हवामान खात्याकडून वर्तवण्यात आला आहे. कमी दाबाच्या पट्ट्याचे जर चक्रीवादळात रुपांतर झालं. तर त्याला 'तेज' या नावानं ओळखलं जाईल. अरबी समुद्रात निर्माण झालेला कमी दाबाचा पट्टा अद्याप एवढा शक्तीशाली झालेला नाही की त्यास चक्रीवादळाचा दर्जा देता येईल. पण पुढचे ४८ तास महत्वाचे मानले जात आहेत.

येत्या ४८ चाळीस तासात कमी ताबाच्या पट्ट्याचे रुपांतर चक्रीवादळात होण्याची शक्यता भारतीय हवामान खात्याने वर्तवली आहे. अरबी समुद्रात जर हे 'तेज' चक्रीवादळ तयार झाले तर किनारपट्टीमार्गे गुजरातच्या दिशेने सरकण्याची शक्यता आहे. भारतीय हवामान विभाग परिस्थितीवर लक्ष ठेवून आहे. या चक्रीवादळामुळे मुंबईत पावसाची शक्यता नसली तरी काही भागातील तापमानात यामुळे घट होण्याची शक्यता आहे. यात मुंबई, पुणे या भागांचा समावेश आहे.