पुणे : काँग्रेसचे ज्येष्ठ नेते व माजी मंत्री अनंतराव थोपटे (वय ९३) यांचे निधन गुरुवारी अल्पशा आजाराने निधन झाले. दीनानाथ मंगेशकर रुग्णालयात त्यांच्यावर उपचार सुरू होते. पुणे जिल्ह्यातील भोर विधानसभा मतदारसंघाचे त्यांनी सहा वेळा प्रतिनिधित्व केले.

सुमारे चौदा वर्षे राज्य मंत्री मंडळात कॅबिनेट मंत्री होते. तसेच ते पुण्याचे पालकमंत्री देखील राहिले होते. राष्ट्रवादी कॉंग्रेसच्या स्थापनेनंतर थोपटे काँग्रेसचे विधिमंडळातील गटनेते होते.

पुणे जिल्ह्यात शरद पवारांना टक्कर देऊन काँग्रेस पक्ष वाढण्यात थोपटे यांचे मोठे योगदान होते. माजी आमदार आणि भाजपचे नेते संग्राम थोपटे यांचे ते वडिल होते. 

अनंतराव थोपटे यांना १९८३ साली पहिल्यांदा वसंतदादा पाटील यांनी मंत्रिपदाची संधी दिली होती.