महाराष्ट्र

पुण्यात ३०० गुंडांची ओळखपरेड; गुन्हेगारांनो गुन्हे करू नका : पुणे पोलिसांनी समजावले

गुन्हेगारी करायची नाही, रिल्स बनवायचे नाहीत. स्टेटसला गुंडगिरीचे व्हिडीओ ठेवायचे नाहीत, अशी तंबी पोलीस उपायुक्त अमोल झेंडे यांनी दिली आहे.

Swapnil S

पुणे : विद्येचे माहेरघर असलेल्या पुण्यात गुन्हेगारी वाढत आहे. कोयता गँगसकट खंडणीखोरांनी उच्छाद मांडला आहे. शहरात दररोज काही ना काही, कुठे ना कुठे गुन्हा होत आहे. ज्या पुण्याला शिक्षणाचे माहेरघर मानले जाते. त्याच पुण्यात तरुणांनी हातात कोयता आणि बंदुक घेऊन नंगानाच चालवला आहे. या सर्व घटनांना चाप बसण्यासाठी पुणे पोलीस आयुक्तालयात शहरातील कुख्यात तसेच नामचीन आणि नुकतेच गुन्हेगारीत पदार्पण केलेल्या तरुणांना बोलावण्यात आले होते. गुन्हेगारांनी गुन्हे करू नयेत, अशी समज त्यांना देण्यात आली.

पुणे पोलीस आयुक्तालयात सर्व गुंडांची ओळखपरेड करण्यात आली. आयुक्तालयात तब्बल २०० ते ३०० गुंडांची पोलिसांकडून परेड करण्यात आली आहे. कुख्यात गजा मारणे टोळी, निलेश घायवळ, गणेश मारणे टोळी, बापू नायर टोळी, उमेश चव्हाण टोळी, बंटी पवार टोळी आणि बाबा बोडकेसह अनेक गुंडांची ओळख करण्यात आली. पुण्यातील गुन्हे शाखेचे पोलीस उपायुक्त अमोल झेंडे यांचा गुंडांना हा पहिलाच दणका असल्याचे बोलले जात आहे.

दरम्यान, पार्थ पवारांनी ज्या गुंडाची भेट घेतली तो म्हणजे गजा मारणेचीही पोलिसांकडून परेड करण्यात आली आहे, तर खासदार संजय राऊत यांनी मुख्यमंत्री एकनाथ शिंदे यांचा कुख्यात टोळी प्रमुख निलेश घायवळसोबतचा फोटो ट्विट केला, त्याची देखील पोलिसांनी परेड घेतली आहे. पोलीस उपायुक्त अमोल झेंडे यांनी गुन्हेगारी टोळ्यांना अटकाव करण्यासाठी गुन्हे शाखेला सूचना केल्या होत्या. त्या पार्श्वभूमीवर शहरातील गुन्हेगारी टोळ्यांतील प्रमुख आणि साथीदारांना ओळखपरेडसाठी बोलावण्यात आले होते.

गुन्हेगारी करायची नाही, रिल्स बनवायचे नाहीत. स्टेटसला गुंडगिरीचे व्हिडीओ ठेवायचे नाहीत, अशी तंबी पोलीस उपायुक्त अमोल झेंडे यांनी दिली आहे. सोशल मीडियावर मोठ्या प्रमाणात गुन्हेगार आपले स्वत:चे वर्चस्व दाखवण्यासाठी रिल्स शूट करून त्यांच्या अकाऊंटवर पोस्ट करत असल्यामुळे समाजात विकृती पसरत आहे. त्यासोबतच गुन्हेगारांना कोणताही गुन्हा करण्यापूर्वी विचार करावा अन्यथा कायदेशीर कारवाईला सामोरे जावे लागेल, असा थेट इशारा पोलीस उपायुक्त अमोल झेंडे यांनी दिला.

बोलणी फिस्कटली; आंदोलन सुरूच! मनोज जरांगे-शिंदे समिती यांच्यातील चर्चा निष्फळ, हैदराबाद गॅझेट लागू करण्यास सरकारची तत्त्वतः मंजुरी

रेल्वे स्टेशनमध्ये दोन दिवस राहा फक्त दहा रुपयांत...आंदोलकांच्या व्हॉट्सअपवर मेसेज व्हायरल, वाशीतील एक्झिबिशन सेंटरमध्ये व्यवस्था

मराठा आंदोलकांनी केला चक्काजाम; जरांगे-पाटील यांच्या आवाहनानंतर रस्ता मोकळा

इशाऱ्यानंतर पालिका प्रशासनाचे नमते! फिरत्या शौचालयासह पुरवल्या इतर सुविधा; आंदोलकांसाठी पाण्याचे टँकर्सही अखेर उपलब्ध

Maratha Reservation Protest : मुंबईच्या रस्त्यांवर संगीत, नृत्य आणि कठपुतळीचा नाचही!