मुरूड आगारात CNG गॅस पंप होणार नाही; सर्वेक्षणानंतर निर्णय; प्रवाशांत नाराजी प्रातिनिधिक छायाचित्र
महाराष्ट्र

मुरूड आगारात CNG गॅस पंप होणार नाही; सर्वेक्षणानंतर निर्णय; प्रवाशांत नाराजी

मुरूड एसटी आगारात सीएनजी गॅस पंप उभारण्याचा प्रस्ताव अखेर नामंजूर करण्यात आल्याची माहिती समोर आली आहे. सर्वेक्षणानंतर गॅस कंपनीने नकारात्मक अहवाल दिल्यामुळे मुरूड आगारात सीएनजी पंप होणार नसल्याचे स्पष्ट झाले आहे. त्यामुळे प्रवासी वर्गात तीव्र नाराजी व्यक्त होत आहे.

Swapnil S

मुरूड-जंजिरा : मुरूड एसटी आगारात सीएनजी गॅस पंप उभारण्याचा प्रस्ताव अखेर नामंजूर करण्यात आल्याची माहिती समोर आली आहे. सर्वेक्षणानंतर गॅस कंपनीने नकारात्मक अहवाल दिल्यामुळे मुरूड आगारात सीएनजी पंप होणार नसल्याचे स्पष्ट झाले आहे. त्यामुळे प्रवासी वर्गात तीव्र नाराजी व्यक्त होत आहे.

सध्या मुरूड आगारात सीएनजी गॅस पंप उपलब्ध नसल्याने मुंबई-पुणे मार्गावर धावणाऱ्या एसटी बसेसना अलिबाग किंवा इतर ठिकाणी जाऊन गॅस भरावा लागतो. यामुळे बससेवेच्या वेळापत्रकात अडथळे निर्माण होतात आणि बसेस नियोजित वेळेत पोहचत नसल्याने प्रवाशांना मोठा मनस्ताप सहन करावा लागत आहे. गॅस कंपनीच्या अधिकाऱ्यांची बैठक घेऊन मुरूड आगाराला सीएनजी पंप देण्याबाबत सूचना करण्यात आल्याचे सांगितले जाते. त्यानुसार अधिकाऱ्यांनी सर्वेक्षणही केले; मात्र अहवाल नकारात्मक आल्याने प्रस्ताव फेटाळण्यात आला.

मुरूड आगारात सध्या ७ नवीन बसेस वगळता उर्वरित सुमारे ३० बसेस सीएनजीवर धावत आहेत. गॅस भरण्यासाठी अलिबाग येथे जावे लागत असल्याने वेळेचे नियोजन करताना मोठ्या अडचणींचा सामना करावा लागत आहे. परिणामी असंख्य प्रवाशांना ताटकळत बसावे लागते.

या संदर्भात पेण येथील विभाग नियंत्रक चौरे यांच्याशी दूरध्वनीवरून संपर्क साधला असता त्यांनी सांगितले की, मुरूड आगाराच्या सीएनजी पंपासाठीचा प्रस्ताव महानगर गॅस लिमिटेडकडे पाठविण्यात आला होता. मात्र केवळ ३० गाड्यांसाठी स्वतंत्र पंप देणे शक्य नसल्याचे कारण देत कंपनीने प्रस्ताव नामंजूर केला.

दरम्यान, मुरूड तालुक्यात केवळ एसटी बसेसच नव्हे तर अनेक खासगी वाहनेही सीएनजीवर धावत असल्याने गॅस कंपनीने संपूर्ण तालुक्याचा विचार करणे आवश्यक असल्याचे मत प्रवासी वर्गाने व्यक्त केले आहे.

राष्ट्रवादी काँग्रेसच्या माध्यमातून सुनील तटकरे यांच्या प्रयत्नांतून सीएनजी पंपासाठी पाठपुरावा करण्यात आला होता. मुरूड आगारात पंप होणार नसल्याबाबत कोणतेही अधिकृत पत्र अद्याप प्राप्त झालेले नाही. मात्र जर प्रस्ताव नामंजूर झाला असेल, तर लवकरच खासदारांची भेट घेऊन पंप सुरू होण्यासाठी प्रयत्न केले जातील.
आराधना मंगेश दांडेकर, नगराध्यक्षा मुरूड नगरपरिषद

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न