महाराष्ट्र

लोकसभेसाठी पंकजा मुंडे, शेलार, मुनगंटीवारांना संधी?

मुख्यमंत्री एकनाथ शिंदे यांना १२ किंवा १३, उपमुख्यमंत्री अजितदादा पवार यांना ४ जागा देण्याची तयारी भाजप श्रेष्ठींनी दाखविली आहे.

Swapnil S

मुंबई : मुख्यमंत्री एकनाथ शिंदे यांना १२ किंवा १३, उपमुख्यमंत्री अजितदादा पवार यांना ४ जागा देण्याची तयारी भाजप श्रेष्ठींनी दाखविली आहे. चंद्रपूरमधून सांस्कृतिक कार्यमंत्री सुधीर मुनगंटीवार या विद्यमान मंत्र्यांना तसेच मुंबईतून भाजपचे अध्यक्ष आशिष शेलार यांना, तर बीडमधून माजी मंत्री पंकजा मुंडे यांना निवडणूक मैदानात उतरविण्याच्या तयारीत आहे.

माढा लोकसभा मतदारसंघात विद्यमान खासदार आणि विजयसिंह मोहिते-पाटील गटात संघर्ष सुरू आहे. त्या संघर्षावर तोडगा म्हणून चंद्रकांतदादा यांनी या मतदारसंघातून लढण्याची तयारी ठेवावी, असे भाजप श्रेष्ठींना वाटते. त्याच सूत्रानुसार पुण्यातील उमेदवारीचा पेच सुटू शकतो. मुंबईतून पाच जागा भाजप लढणार आहे. त्यात मुंबई भाजपचे अध्यक्ष आशिष शेलार यांनी निवडणूक लढवावी, असे पक्षीय पातळीवर प्रयत्न सुरू असल्याचे सूत्रांनी सांगितले.

माजी मंत्री पंकजा मुंडे लोकसभा निवडणुकीसाठी सुरुवातीला अनुत्सुक होत्या. परंतु, आता त्यांनी निवडणूक लढविण्याची तयारी दर्शविल्याने त्यांची बीड मतदारसंघातून उमेदवारी नक्की असल्याचे सांगण्यात येते. चंद्रपूरमधून निवडणूक लढविण्याची इच्छा नसल्याचे सुधीर मुनगंटीवार यांनी यापूर्वीच स्पष्ट केले आहे. तथापि, भाजप पक्षश्रेष्ठी त्यासाठी आग्रही आहेत. या निवडणुकीत काही नव्या चेहऱ्यांना संधी मिळण्याची शक्यता आहे.

मराठवाड्यात अतिवृष्टीचा कहर; ६७ गावांचा संपर्क तुटला, ८ जणांचा मृत्यू

Maharashtra Rain Alert : राज्यभरात पाऊस वाढण्याची धास्ती; कमी दाबाच्या पट्ट्यामुळे वादळी पावसाची शक्यता

धाराशिव : नातू अन् आजी अडकले पुरात; खासदार ओमराजे निंबाळकर उतरले थेट पाण्यात, व्हिडिओ व्हायरल

राज्यात ‘ओला दुष्काळ’ जाहीर होण्याची शक्यता; नुकसानग्रस्त शेतकऱ्यांची मागणी, मंत्रिमंडळाच्या बैठकीत होणार निर्णय

Yavatmal : धक्कादायक! शिक्षकच बनला भक्षक; विद्यार्थिनीवर ९ महीने बलात्कार, गर्भपाताच्या गोळ्यांनी घेतला जीव