धुळे पोलीस प्रशिक्षण केंद्रात कार्यरत असलेल्या एका पोलीस निरीक्षकाने मुख्यमंत्री एकनाथ शिंदे यांना पत्र लिहून पोलिसांना एक महिन्याचे वेतन दिवाळी बोनस म्हणून देण्याची मागणी केली आहे. "मुख्यमंत्री तुम्हाला अनाथांचा नाथ एकनाथ म्हणतात. तुम्ही दयाळू आहात. त्यामुळे पोलिसांच्या प्रश्नाकडे लक्ष द्या," अशी विनंती पत्रात करण्यात आली आहे. हे पत्र मुख्यमंत्री कार्यालय, गृहमंत्री कार्यालय, अर्थमंत्री कार्यालय आणि राज्याचे पोलीस महासंचालक कार्यालय अशा विविध कार्यालयांना पाठवण्यात आले आहे.
पोलिस निरीक्षक आर.आर.चव्हाण यांनी हे पत्र लिहिले आहे. या पत्रात पोलीस निरीक्षक चव्हाण पुढे म्हणतात की, पोलिसांचे प्रश्न मांडणारी संघटना नाही. त्यामुळे पोलिसांना पर्याय नाही. त्यामुळे शासन दरबारी पोलिसांचे प्रश्न व समस्या विचारात घेतल्या जात नाहीत. पोलीस आणि त्यांच्या कुटुंबियांना आयुष्यभर तडजोड करण्याची सवय असते. तडजोड करून केवळ एक महिन्याचा पगार दिवाळी बोनस म्हणून द्यावा, अशी मागणी या पत्रात करण्यात आली आहे. "सध्या महाराष्ट्रातील जनता म्हणते की महाराष्ट्राचे मुख्यमंत्री एकनाथ शिंदे साहेब हे दयाळू आहेत, अनाथांचे नाथ एकनाथ आहेत. तसेच माननीय गृहमंत्री देवेंद्र फडणवीस साहेब हे देखील पोलिसांच्या कल्याणासाठी समर्पित आहेत. त्यामुळे आम्ही 76 दिवस 12 ते 15 तास ओव्हरटाईम ड्युटी केल्याबद्दल मुख्यमंत्री आणि गृहमंत्र्यांनी दया दाखवून एक महिन्याचा पगार दिवाळी बोनस म्हणून द्यावा अशी अपेक्षा पोलीस निरीक्षक राजाभाऊ चव्हाण यांनी आपल्या पत्रात लिहिली आहे.
महापालिकेचे आयुक्त इक्बाल सिंग चहल यांनी आज महापालिका कर्मचारी समन्वय समितीची बैठक बोलावली आहे. या बैठकीला महापालिका कामगार संघटनांचे नेतेही उपस्थित राहणार आहेत.