अकोला जिल्ह्यातील पातूर तालूक्यातल्या विवरा गावातील प्रशांत मेसरे या २५ वर्षीय तरुणाचा काल संध्याकाळी मृत्यू झाला होता. एखाद्या व्यक्तीच्या मृत्यूनंतर संपूर्ण कुटुंबावर मोठं दुःख कोसळतं, हा क्षण अत्यंत भावुक करणारा असतो. या घडलेल्या घटनेची गावात चांगलीच चर्चा रंगली. काही लोक याला दैवी चमत्कार समजत आहेत, तर काही वैद्यकीय चूक समजत आहेत.

मिळालेल्या माहितीनुसार, प्रशांत मेसरे हा तरूण मागच्या काही दिवसांपासून आजारी होता. तो युवक अकोला पोलिस दलातील चान्नी पोलिसांत कार्यरत आहे. बुलडाणा जिल्ह्यातील चिखली इथे त्याच्यावर उपचार सुरु होता. उपचारादरम्यान त्याचा मृत्यू झाला असं समजलं त्यानंतर नातेवाईकांनी त्याला अंत्यविधीसाठी अकोला जिल्ह्यातील विवरा गावात आणले. गावकऱ्यांसह नातेवाईक त्याला घेवून अंत्यसंस्कारासाठी स्मशानभूमीकडे निघाले. असताना हा तरूण तिरडीवरच उठून बसल्याचे समजले आणि ते पाहून सर्व थक्क झाले. या घटनेमागे नेमकं काय प्रकरण आहे ? कोणाचा दोष आहे ? याचा तपास पोलीस यंत्रणा करत आहे.