शिवसेना शिंदे गटाचे आमदार शहाजी बापू पाटील यांच्या ताफ्यातील गाडीला आज भीषण अपघात झाला. ही घटना सांगोला तालुक्यातील नाजरा गावाजवळ घडली. या अपघातात दुर्दैवाने एकाच जागीच मृत्यू झाला असून एक जण गंभीर जखमी झाला आहे. नाजरा येथे मुख्यमंत्री एकनाथ शिंदेच्या वाढदिवसानिमित्त आयोजित एका शिबिरासाठी आमदार शहाजी बापू गेले होते. तिथून सांगोला शहराकडे येताना हा अपघात झाला.
मिळालेल्या माहितीनुसार, आमदार शहाजी बापू यांच्या गाड्यांचा ताफा सांगोला शहराकडे जात असताना पोलिसांच्या एक गाडीची आणि दुचाकीची धडक झाली. यामध्ये एकाच जागीच मृत्यू झाल्याची माहिती देण्यात आली आहे. तर, एकाची प्रकृती चिंताजनक असून जवळच्या रुग्णालयात उपचार सुरु असल्याचे सांगण्यात आले. अपघाताचे वृत्त समजताच स्थानिक पोलिसांनी घटनास्थळी धाव घेतली.