Sindhudurg : वैभव नाईक यांच्या मागे एसीबीचा ससेमिरा 
महाराष्ट्र

Sindhudurg : वैभव नाईक यांच्या मागे एसीबीचा ससेमिरा

शिवसेना (उद्धव बाळासाहेब ठाकरे) पक्षाचे सिंधुदुर्ग जिल्हाप्रमुख तथा माजी आमदार वैभव नाईक यांच्या मालमत्ता आणि व्यावसायिक व्यवहारांची लाचलुचपत प्रतिबंधक विभागाकडून (एसीबी) सुरू असलेली चौकशी पुन्हा चर्चेत आली आहे.

Swapnil S

सिंधुदुर्ग : शिवसेना (उद्धव बाळासाहेब ठाकरे) पक्षाचे सिंधुदुर्ग जिल्हाप्रमुख तथा माजी आमदार वैभव नाईक यांच्या मालमत्ता आणि व्यावसायिक व्यवहारांची लाचलुचपत प्रतिबंधक विभागाकडून (एसीबी) सुरू असलेली चौकशी पुन्हा चर्चेत आली आहे. एसीबीने यासंदर्भात आणखी काही माहिती मागविल्याने नाईक यांच्या अडचणी वाढण्याची शक्यता व्यक्त केली जात आहे.

वैभव नाईक यांच्या मालमत्ता व व्यावसायिक व्यवहारांबाबत गेल्या दोन वर्षांपासून चौकशी सुरू आहे. या चौकशीच्या अनुषंगाने लाचलुचपत प्रतिबंधक विभागाचे रत्नागिरी विभागाचे उपअधीक्षक अविनाश पाटील यांनी कणकवली नगरपंचायतीच्या मुख्याधिकाऱ्यांना पत्र पाठवून शहरातील प्रभाग क्रमांक १ मधील इमारत क्रमांक ७ मधील गाळा आणि सिटी सर्व्हे क्रमांक ४३२१ ही मिळकत एकच आहे की स्वतंत्र, याबाबतची माहिती मागविली आहे. नाईक यांनी चौकशीदरम्यान दिलेली माहिती, कागदपत्रांमध्ये विसंगती आढळल्याचा प्राथमिक उल्लेख करत एसीबीने ही माहिती नगरपंचायतीकडे मागविल्याचे समजते.

राजकीय वातावरण बदलले किंवा अधिकारी बदलले की माझ्याविरोधात पुन्हा नव्याने चौकशीचे चक्र सुरू केले जाते. हा माझ्यावर होत असलेला शुद्ध अन्याय आहे.रत्नागिरी एसीबी कार्यालयाकडून सन २०२२ पासून त्यांची चौकशी सुरू आहे. या संपूर्ण प्रक्रियेत मी नेहमीच चौकशी यंत्रणेला सहकार्य केले आहे. कायदा आणि व्यवस्थेचा सन्मान राखत आजही चौकशीला माझा कोणताही विरोध नाही. यापुढेही मी पूर्ण सहकार्य करणार आहे.
वैभव नाईक, आमदार

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न