पुणे : पुणे जिल्ह्यातील पिंपरी चिंचवडमध्ये भोसरी भागातील कामगार वसाहतीत गुरूवारी सकाळी पाण्याची टाकी कोसळून झालेल्या दुर्घटनेत ५ कामगारांचा मृत्यू झाला असून ५ जण जखमी झाल्याचे पोलिसांनी सांगितले.

हे कामगार पाण्याच्या टाकीखाली आंघोळ करत असताना ही दुर्घटना घडली. पाण्याचा दाब वाढल्याने ती फुटून हा अपघात झाला, असे पिंपरी-चिंचवडचे अतिरिक्त पोलीस आयुक्त वसंत परदेशी यांनी सांगितले. या दुर्घटनेत तीन कामगार जागीच, तर दोघे रुग्णालयात मरण पावले, तर पाच कामगारांवर उपचार सुरू आहेत.