मुंबई : मुंबईतील फोर्ट येथील बोरा बाजार परिसरात श्री शांतीनाथ श्वेतांबर जैन देरासर मंदिर असून श्वेतांबर जैन भाविकांसाठी पवित्र स्थळ आहे. त्यामुळे या परिसराचे नामकरण करण्यात यावे अशी मागणी स्थानिक रहिवाशांची आहे. त्यामुळे बोरा बाजार परिसराजवळील मार्गाचे नामकरण ‘शांतीनाथ देरासर मार्ग’ असे करण्यात यावे, अशी शिफारस विधानसभा अध्यक्ष आणि कुलाबा विधानसभा क्षेत्राचे आमदार ॲड. राहुल नार्वेकर यांनी मुख्यमंत्री एकनाथ शिंदे यांच्याकडे एका पत्राद्वारे केली आहे. 

बोरा बाजार, फोर्ट येथे प्राचीन असे श्री शांतीनाथ श्वेतांबर जैन देरासर मंदिर आहे. श्वेतांबर जैन भाविकांच्या दृष्टीने हे अत्यंत पवित्र असे धार्मिक स्थळ असून येथे वर्षभर श्रद्धाळू आणि भाविक मोठ्या संख्येने भेट देत असतात. फोर्ट विभागातील रहिवाशांची या विभागातील रस्त्याचे नामकरण ‘शांतीनाथ देरासर मार्ग’ असे करण्यात यावे, अशी मागणी आहे.