मुंबईकरांचा प्रवास गारेगार होणार; आणखी १,५०० मिडी एसी बस येणार प्रातिनिधिक छायाचित्र
मुंबई

मुंबईकरांचा प्रवास गारेगार होणार; आणखी १,५०० मिडी एसी बस येणार

मुंबईकरांना अधिकाधिक बस सेवा उपलब्ध करून देण्यासाठी आता बेस्ट उपक्रमाने आणखी १ हजार ५०० मिडी इलेक्ट्रिक वातानुकूलित बसेस घेण्याचा निर्णय घेतला आहे. १२ वर्षांसाठी या बसेस भाडेतत्त्वावर घेण्यात येणार आहेत.

Swapnil S

मुंबई : मुंबईकरांना अधिकाधिक बस सेवा उपलब्ध करून देण्यासाठी आता बेस्ट उपक्रमाने आणखी १ हजार ५०० मिडी इलेक्ट्रिक वातानुकूलित बसेस घेण्याचा निर्णय घेतला आहे. १२ वर्षांसाठी या बसेस भाडेतत्त्वावर घेण्यात येणार आहेत.

गेल्या काही वर्षांत बेस्ट उपक्रमाच्या परिवहन विभागात बेस्ट बसेसच्या ताफा कमी होत आहे. सध्या मुंबईत २ हजार ७९२ बसगाड्या असून यामध्ये बेस्टच्या स्वमालकीच्या २४९, तर भाडेतत्त्वावरील २,५४३ बस आहेत. यामध्ये बेस्ट उपक्रमाच्या २४९ मालकीच्या असलेल्या बसमध्ये ३७ बस महिलांसाठीच्या तेजस्विनी मिडी बस आहेत. तर भाडेतत्त्वावरील ६२५ मिडी बस आहेत.

आता मिडी बसेसची संख्या वाढवण्याचा निर्णय बेस्ट उपक्रमाने घेतला आहे. केंद्र सरकारच्या योजनेतून मिडी एसी इलेक्ट्रिकल बस घेतल्या जाणार आहेत. नऊ मीटर लांबीच्या असलेल्या या बस भाडेतत्त्वावर घेण्यात येतील, अशी माहिती सूत्रांनी दिली.

निविदेद्वारे दोन कंपन्यांची निवड

केंद्र सरकारच्या रस्ते वाहतूक आणि महामार्ग मंत्रालयामार्फत त्याची निविदा काढून दोन कंपन्यांचीही निवड करण्यात आली आहे. १२ वर्षासाठी या बस भाडेतत्त्वावर घेताना त्यासाठी मोठी रक्कम बेस्ट उपक्रम मोजणार आहे. परंतु यासाठी बेस्ट समितीची मंजुरी घेणे बंधनकारक आहे.

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न