PM
मुंबई

मुंबईत मोकाट गुराढोरांचा उपद्रव ;बंदोबस्तासाठी पालिका अॅक्शनमोडमध्ये

मुंबईत एकीकडे भटक्या कुत्र्यांची दहशत कायम असताना मोकाट गुराढोरांचा उपद्रव वाढला आहे.

Swapnil S

मुंबई : रस्त्यावर मोकाट फिरणाऱ्या गुराढोरांमुळे अपघात होण्याची शक्यता अधिक असते. त्यामुळे मुंबई महापालिकेच्या देवनार येथील पशुवधगृहाच्या माध्यमातून मोकाट गुरे-ढोरे जप्त करण्यात येतात. गेल्या पाच वर्षांत साडेतीन हजारांहून अधिक गुरे-ढोरे जप्त करण्यात आले असून, संबंधित मालकाकडून ८८ लाख ३० हजार ८२ रुपयांचा दंड वसूल करण्यात आल्याचे पालिका प्रशासनाकडून सांगण्यात आले. दरम्यान, गेल्या पाच वर्षांत तब्बल ९९ गुराढोरांचा विविध कारणांमुळे मृत्यू झाल्याचे पालिका प्रशासनाकडून सांगण्यात आले.

मुंबईत एकीकडे भटक्या कुत्र्यांची दहशत कायम असताना मोकाट गुराढोरांचा उपद्रव वाढला आहे. मालिकांच्या दुर्लक्षामुळे मोकाट गुरे-ढोरे रस्त्यावर कुठेही फिरतात आणि यामुळे अपघात होण्याची शक्यता अधिक असते. तसेच रस्त्यावरुन ये-जा करणाऱ्या ठोकर मारण्याचा धोका असतो. मोकाट गुराढोरांचा उपद्रव रोखण्यासाठी मुंबई महापालिकेच्या देवनार येथील पशुवधगृहाच्या माध्यमातून जप्तीची कारवाई करण्यात येते.

साडेतीन हजारांहून अधिक गुरेढोरे जप्त

२०१८ ते सप्टेंबर २०२३ पर्यंत साडेतीन हजारांहून अधिक गुरेढोरे जप्त करण्यात आली असून, मालकांनी कागदपत्रे सादर केल्यानंतर दोन हजार २६५ गुरेढोरे परत करण्यात आल्याचे पालिका प्रशासनाकडून सांगण्यात आले. तर ९८७ गुरेढोरे आपली असल्याचा दावा कोणाही मालकाने केला नसल्याने जीवदया संस्थेकडे सुपूर्द करण्यात आली आहेत.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

मुंबईकरांनो, टॅक्सीचालकांची मनमानी आता थांबणार; पश्चिम रेल्वेच्या 'या' स्थानकांवर सुरू होणार प्रीपेड टॅक्सी सेवा

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद