मुंबई : भायखळा पूर्व येथील हंसराज रोडवर असलेल्या एका मजली भायखळा पोलीस ठाण्याच्या इमारतीमध्ये आग लागल्याची घटना घडली. आपत्ती व्यवस्थापन कक्षाने दिलेल्या अहवालानुसार, रात्री ८:२० च्या सुमारास मुंबई अग्निशमन दलाला आगीची माहिती मिळाली आणि ८:२८ वाजता ही आग ‘लेव्हल १’ घोषित करण्यात आली.
अधिकाऱ्यांनी दिलेल्या माहितीनुसार, रात्री ९ च्या सुमारास आग आटोक्यात आणण्यात आली असून प्राथमिक अंदाजानुसार शॉर्ट सर्किटमुळे ही आग लागली असावी. या घटनेत कोणतीही जीवितहानी किंवा दुखापत झालेली नाही.
पोलीस उपआयुक्त जयंत मीना यांनी सांगितले की, ‘भायखळा पोलीस ठाण्याच्या इमारतीमध्ये आगीची घटना घडली होती. अग्निशमन दलाने ही आग पूर्णपणे विझवली आहे.