Mumbai Weather Update: मुंबई शहर आणि उपनगरात शुक्रवारी सकाळी पावसाने जोरदार हजेरी लावली आहे. गुरुवारी आणि शुक्रवारी मध्यरात्रीपासून संततधार पाऊस सुरू आहे. अनेक भागात गडद ढगांचे आवरण आणि सोसाट्याच्या वाऱ्यांसह मुसळधार पाऊस झाला.

हवामान खात्याने जरी केला ऑरेंज अलर्ट

हवामान लक्षात घेऊन, भारतीय हवामान खात्याने (IMD) मुंबईसाठी एकाकी भागात मुसळधार ते अति मुसळधार पावसाच्या अंदाजासह ऑरेंज अलर्ट जारी केला. भारतीय हवामान खात्याने महाराष्ट्रातील कोकण विभागातील ठाणे, पालघर, रायगड, रत्नागिरी आणि सिंधुदुर्ग जिल्ह्यांसाठी ऑरेंज अलर्ट जारी केला आहे. मुख्यतः राज्याच्या किनारपट्टीवर वसलेल्या या जिल्ह्यांमध्ये आज मुसळधार पावसाची शक्यता आहे.

शहर आणि उपनगरात मुसळधार पावसाचे अनेक व्हिडीओ सोशल मीडियावर पोस्ट केले जात आहेत.

मुंबई वेदर ट्रॅकर, 'मुंबई रेन्स' ने ट्विटरवर एका पोस्टमध्ये म्हटले आहे की, “नवीन अंदाजानुसार मुंबई आणि एमएमआर भागात पुढील ४८ तासांत मुसळधार ते अति मुसळधार पाऊस पडण्याची शक्यता आहे ज्यामुळे पाणी साचण्याची शक्यता आहे कारण पाऊस सातत्याने मध्यम ते मुसळधार असेल. पुढील २४-३६ तास पाऊस असेल." दादर, वरळी आणि वांद्रे या पश्चिम उपनगरांमध्ये आज सर्वाधिक पाऊस पडेल, असा अंदाज वर्तवण्यात आला आहे. शिवाय, मुंबई मेट्रोपॉलिटन रिजन (MMR) च्या अंतर्गत भागात मुसळधार पावसाची शक्यता आहे.