मुंबई

मुंबईत दूध लीटर मागे २ ते ३ रुपयांनी महागणार ; 1 सप्टेंबरपासून नवे दर लागू होण्याची शक्यता

शनिवारी दुध विक्रेत्यांच्या पार पडलेल्या बैठकीत हा महत्वपूर्ण निर्णय घेण्यात आला आहे.

नवशक्ती Web Desk

दिवसेंदिवस वाढणाऱ्या महागाईमुळे सर्वसामान्यांचे चांगलेच हाल होताना दिसत आहेत. आधी टोमॅटो, त्यानंतर कांदा आणि आता दुधाचे दर वाढण्याची शक्यता आहे. मुंबईत १ सप्टेंबरपासून सुटे दूध महागणार आहे. म्हशीच्या एक लीटर सुट्या दुधामागे २ ते ३ रुपयांनी वाढ होण्याची शक्यता आहे. तर होलसेल दरात देखील २ रुपयांनी वाढ होणार आहे. शनिवारी दुध विक्रेत्यांच्या बैठकीत हा महत्वपूर्ण निर्णय घेण्यात आला आहे.

जनावरांच्या चाऱ्याच्या दरात वाढ झाल्याने त्याचा परिणाम दुध उत्पादकांवर झाला आहे. त्यामुळे दुधाच्या दरात वाढ करण्याचा निर्णय घेण्यात आला आहे. सध्या मुंबईत एक लिटर म्हशीच्या सुट्या दुधाचे दर ८५ रुपये असून ते आता ८७ रुपयांपर्यंत जाण्याची शक्यता आहे. तर रिटेलला हे दुध ८७ ते ८८ रुपयांपर्यंत राहण्याची शक्यता आहे.

मुंबईत ३ हजारहुन अधिक दुध विक्रेते आहेत. जे ब्रँडेड किंवा पँकेटबंद दुध नसतं त्याची विक्री सुट्या पद्धतीने केली जाते, अशा दुधाच्या दरात वाढ होणार होणार आहे.जनावरांच्या चाऱ्याच्या भावात वाढ झाल्याने ही भाववाढ होणार आहे. मुंबईतील सर्व दुध विक्रेत्यांची बैठक पार पडली, त्या बैठकीत दुधच्या दरवाढीसंदर्भातील निर्णय घेण्यात आला आहे.

पावसाची विश्रांती; पूरस्थिती कायम! पूरग्रस्त शेतकऱ्यांना हवा मदतीचा आधार; अतिवृष्टी, गारपीट, टंचाईग्रस्तांना जिल्हा वार्षिक निधीतून मदत

अहिल्यानगरमध्ये तणाव; रास्ता रोको, लाठीमार

भारत-भूतान रेल्वेमार्गाने जोडणार; प्रकल्पाचा संयुक्त आराखडा जाहीर

राहुल गांधींच्या छातीत गोळी घालू; केरळ भाजप प्रवक्त्याचे धक्कादायक विधान

परदेशी चित्रपटांवर १०० टक्के टॅरिफ; अमेरिकेचे राष्ट्राध्यक्ष डोनाल्ड ट्रम्प यांची घोषणा; बॉलीवूडला फटका बसणार