Mumabi : रंगभूमी करवाढीचा प्रस्ताव अद्याप कागदावरच; राज्य शासनाच्या मंजुरीची प्रतीक्षा 'एआय'ने बनविलेली प्रातिनिधिक प्रतिमा
मुंबई

Mumabi : रंगभूमी करवाढीचा प्रस्ताव अद्याप कागदावरच; राज्य शासनाच्या मंजुरीची प्रतीक्षा

मुंबईतील चित्रपटगृहे, नाट्यगृहे आणि विविध मनोरंजनाच्या कार्यक्रमांवरील मनोरंजन करात मोठी वाढ करण्याचा मुंबई महापालिकेचा प्रस्ताव सध्या राज्य शासनाच्या नगरविकास विभागाच्या मंजुरीच्या प्रतीक्षेत आहे. सुधारित दरांना मंजुरी मिळून त्याबाबत राजपत्रात अधिसूचना प्रसिद्ध होईपर्यंत सध्याचेच कराचे दर लागू राहणार आहेत.

Swapnil S

मुंबई : मुंबईतील चित्रपटगृहे, नाट्यगृहे आणि विविध मनोरंजनाच्या कार्यक्रमांवरील मनोरंजन करात मोठी वाढ करण्याचा मुंबई महापालिकेचा प्रस्ताव सध्या राज्य शासनाच्या नगरविकास विभागाच्या मंजुरीच्या प्रतीक्षेत आहे. सुधारित दरांना मंजुरी मिळून त्याबाबत राजपत्रात अधिसूचना प्रसिद्ध होईपर्यंत सध्याचेच कराचे दर लागू राहणार आहेत. त्यामुळे प्रस्तावित करवाढीमुळे तिकीट दरांवर तत्काळ कोणताही परिणाम होणार नसल्याचे महापालिका प्रशासनाने स्पष्ट केले आहे.

पालिकेने २०२७-२८ या आर्थिक वर्षासाठी मनोरंजन कराचे सुधारित दर प्रस्तावित केले आहेत. मात्र हे दर राज्य शासनाच्या नगरविकास विभागाकडून मंजूर होऊन राजपत्रात अधिसूचना प्रसिद्ध झाल्यानंतरच लागू होणार आहेत. त्यानंतरही या दरांना विधी समिती, स्थायी समिती व पालिका सभागृहाची मंजुरी आवश्यक राहणार आहे.

प्रस्तावित सुधारणेनुसार एसी मल्टिप्लेक्समधील कर सध्याच्या ६० रुपयांवरून ४०० रुपये प्रति शो करण्याचा प्रस्ताव आहे. एकल एसी चित्रपटगृहांसाठी २०० रुपये, तर विनाएसी चित्रपटगृहांसाठी ९० रुपये प्रति शो कर प्रस्तावित आहे. नाटक आणि इतर मनोरंजनाच्या कार्यक्रमांसाठी १०० रुपये प्रति शो कर आकारण्याचे प्रस्तावित करण्यात आले आहे. मात्र या प्रस्तावित दरांची अंमलबजावणी अद्याप झालेली नाही.

सध्या एसी चित्रपटगृहांसाठी ६० रुपये, विना-एसी चित्रपटगृहांसाठी ४५ रुपये, तर नाटक आणि इतर मनोरंजनाच्या कार्यक्रमांसाठी २५ रुपये प्रति शो मनोरंजन कर आकारला जात आहे. सर्कस आणि मनोरंजन मेळ्यांसाठी ५० रुपये प्रतिदिन कर लागू आहे. कर वाढीचा प्रस्ताव विधी समितीच्या बैठकीत चर्चेला आला. समिती सदस्य समृद्धी काते यांनी प्रस्तावावर आक्षेप घेत या महागाईत करवाढ केली, तर मुंबईकर त्याकडे पाठ फिरवतील, असे म्हणाल्या.

सध्याचा कर - प्रस्तावित कर

एसी चित्रपटगृह /मल्टिप्लेक्स : ६० रुपये - ४०० रुपये

विना -एसी चित्रपटगृह : ४५ रुपये - २०० रुपये

व्यावसायिक नाटके, कॉन्सर्ट, मेळे : २५ रुपये - १०० रुपये

इतर मनोरंजन कार्यक्रम : ३० रुपये - ७५ रुपये

सर्कस / कार्निव्हल : ५० रुपये - १०० रुपये

(संबधित इंग्रजी बातमी वाचण्यासाठी येथे क्लिक करा.)

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न