मुंबई : इमारती, आस्थापनांत सोलर पॅनल बसवल्यास मालमत्ता करात २ टक्क्यांपर्यंत सूट देण्यात येणार आहे. याबाबत पालिका लवकरच धोरणात्मक निर्णय घेणार असून कार्यवाही सुरू करण्यात आली आहे. नगरविकास विभागाची परवानगी घेण्यात येईल.

कचऱ्याचे व्यवस्थापन करणे २ ऑक्टोबर २०१७ पासून सोसायट्यांना पालिकेने बंधनकारक केले. २० हजार चौरस मीटरपेक्षा मोठ्या गृहनिर्माण सोसायट्या आणि १०० किलो पेक्षा जास्त कचरा निर्माण होणाऱ्या इमारती - आस्थापनांना ओल्या कचऱ्याची विल्हेवाटी लावण्याचे व्यवस्थापन करणे बंधनकारक करण्यात आले होते. यानुसार मुंबईतील सुमारे साडेचार हजार सोसायट्यांमधील बहुतांशी सोसायट्यांनी आवारातच ओल्या-सुक्या कचऱ्याचे व्यवस्थापन करण्यास सुरुवात केली होती.