Mumbai : अग्निशमन दलाच्या जवानांना अत्याधुनिक गणवेश; प्रत्येक गणवेशासाठी ७० हजारांचा खर्च  'एआय'ने बनविलेली प्रातिनिधिक प्रतिमा
मुंबई

Mumbai : अग्निशमन दलाच्या जवानांना अत्याधुनिक गणवेश; प्रत्येक गणवेशासाठी ७० हजारांचा खर्च

मुंबईतील आगींसह विविध आपत्कालीन परिस्थितीत जीव धोक्यात घालून कर्तव्य बजावणाऱ्या अग्निशमन दलातील २१७६ अधिकारी आणि जवानांना अत्याधुनिक गणवेश मिळणार आहे.

Swapnil S

मुंबई : मुंबईतील आगींसह विविध आपत्कालीन परिस्थितीत जीव धोक्यात घालून कर्तव्य बजावणाऱ्या अग्निशमन दलातील २१७६ अधिकारी आणि जवानांना अत्याधुनिक गणवेश मिळणार आहे. कोट, ट्राऊजर, हुड आणि ग्लोव्हज यांसह गणवेश मिळणार असून प्रत्येक गणवेशासाठी ७० हजार रुपये खर्च करण्यात येणार आहे.

मुंबई अग्निशमन दलाचे अधिकारी आणि जवान आग लागण्याच्या घटनांबरोबरच रेल्वे अपघात, इमारत कोसळणे, झाडे कोसळणे तसेच विविध ठिकाणी अडकलेल्या नागरिकांची सुटका करण्याच्या मोहिमांमध्ये सहभागी होतात. अशा मोहिमांदरम्यान त्यांना प्रचंड उष्णता, धूर तसेच अन्य धोकादायक परिस्थितीचा सामना करावा लागतो. त्यामुळे आगीच्या ठिकाणी काम करताना पर्सनल प्रोटेक्टीव्ह इक्विपमेंट (पीपीई) परिधान करणे बंधनकारक करण्यात आले आहे. या स्वसंरक्षण साहित्यामुळे आगीची तीव्रता आणि उष्णतेपासून अग्निशमन कर्मचाऱ्यांचे संरक्षण होण्यास मदत होते. विशेष म्हणजे, या प्रकारच्या स्वसंरक्षण गणवेशासाठी भारतात स्वतंत्र मानक उपलब्ध नसल्याने मुंबई अग्निशमन दलाने यापूर्वी २००९-१० आणि २०१७-१८ या कालावधीत युरोपीय देशांमध्ये वापरल्या जाणाऱ्या मानकांनुसार गणवेशाची खरेदी केली होती.

आता अग्निशमन दलातील कर्मचाऱ्यांसाठी नव्याने कोट, ट्राऊजर, हुड आणि ग्लोव्हज खरेदी करण्याचा प्रस्ताव प्रशासनाने पुढे आणला आहे. या खरेदीसाठी अमी एंटरप्राइज या कंपनीची निवड करण्यात आली आहे.

(संबधित इंग्रजी बातमी वाचण्यासाठी येथे क्लिक करा.)

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न