Mumbai : लालबागमधून इंदूरच्या चोरट्यांना अटक; सोन्याची साखळी, रोख रक्कम, मोबाईलची केली चोरी 'एआय'ने बनविलेली प्रातिनिधिक प्रतिमा
मुंबई

Mumbai : लालबागमधून इंदूरच्या चोरट्यांना अटक; सोन्याची साखळी, रोख रक्कम, मोबाईलची केली चोरी

गणेशोत्सवाच्या काळात लालबाग परिसरात दर्शनासाठी होणाऱ्या अलोट गर्दीचा फायदा घेत भाविकांना लक्ष्य करणाऱ्या चोरट्यांच्या टोळीचा काळाचौकी पोलिसांनी पर्दाफाश केला आहे. १४ सप्टेंबरला लालबाग परिसरात सोन्याचे दागिने, रोख रक्कम आणि मोबाईल चोरीच्या अनेक घटना समोर आल्या.

प्रतिनिधी

पूनम अपराज/मुंबई

गणेशोत्सवाच्या काळात लालबाग परिसरात दर्शनासाठी होणाऱ्या अलोट गर्दीचा फायदा घेत भाविकांना लक्ष्य करणाऱ्या चोरट्यांच्या टोळीचा काळाचौकी पोलिसांनी पर्दाफाश केला आहे. १४ सप्टेंबरला लालबाग परिसरात सोन्याचे दागिने, रोख रक्कम आणि मोबाईल चोरीच्या अनेक घटना समोर आल्या. या प्रकरणी पोलिसांनी मध्य प्रदेशातील इंदूर येथून आलेल्या दोन चोरट्यांना अटक केली आहे.

सुरक्षारक्षकाचा मोबाईल आणि रोख रक्कम पळवून नेणाऱ्या या दोन चोरट्यांना भाविकांनी पाठलाग करून पकडले. आरिफ साकसेनसिंह गुजर (२४) आणि सोमनाथ सामानसिंह राठोड (२३, दोघे रा. इंदूर, मध्य प्रदेश) अशी आरोपींची नावे आहेत. या टोळीत आणखी सदस्यांचा समावेश आहे का, याचा शोध काळाचौकी पोलीस घेत आहेत.

रांगेत दागिने लांबवले

लालबागच्या रहिवासी वर्षा भोपळे (६७) या १४ सप्टेंबरला सकाळी डॉ. बाबासाहेब आंबेडकर मार्गावरील कुबल मसाल्याजवळ दर्शनाच्या रांगेत उभ्या होत्या. गर्दीत साडी नीट करत असताना त्यांच्या गळ्यातील सुमारे ७० हजार रुपये किमतीचे १० ग्रॅमचे मंगळसूत्र गायब झाले. शोध घेऊनही दागिना न सापडल्याने त्यांनी काळाचौकी पोलीस ठाण्यात तक्रार नोंदवली. त्याच वेळी सायन-कोळीवाडा येथील रहिवासी धनंजय बालसराफ (४९) यांनीही तक्रार दिली की, त्याच दर्शनाच्या रांगेत उभ्या असताना चोरट्याने त्यांच्या गळ्यातील ९० हजाराची सोन्याची साखळी चोरली.

सुरक्षारक्षकाचा आरडाओरडा; जमावाने पकडले

दुसरी घटना दुपारी १.३० वाजण्याच्या सुमारास घडली. मालाड येथील सुरक्षारक्षक मायकेल नाडर (२८) रांगेत उभे असताना दोन्ही आरोपींनी त्यांच्या खिशातील २५ हजार रुपयांचा मोबाईल आणि २,३०० रुपयांची रोख रक्कम काढली. चोरी झाल्याचे लक्षात येताच नाडर यांनी आरडाओरडा केला. पळून जाण्याच्या प्रयत्नात असलेल्या दोन्ही आरोपींना भाविकांनी पाठलाग करून पकडले आणि चोप दिला. गस्तीवर असलेल्या साध्या वेषातील पोलिसांनी मध्यस्थी करत दोन्ही आरोपींना ताब्यात घेतले.

(इंग्रजी बातमी वाचण्यासाठी येथे क्लिक करा.)

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न