Mumbai : रेल्वेच्या माटुंगा वर्कशॉपमध्ये आग; एका डब्याचे मोठे नुकसान 
मुंबई

Mumbai : रेल्वेच्या माटुंगा वर्कशॉपमध्ये आग; एका डब्याचे मोठे नुकसान

मध्य रेल्वेच्या माटुंगा येथील वर्कशॉपमध्ये मंगळवारी दुपारी एका नॉन-एसी स्लीपर डब्याला भीषण आग लागली. या घटनेत सुदैवाने कोणतीही जीवितहानी झाली नाही. दुपारी ३.१० वाजण्याच्या सुमारास ही आग लागल्याची माहिती रेल्वे अधिकाऱ्यांनी दिली.

Swapnil S

मुंबई : मध्य रेल्वेच्या माटुंगा येथील वर्कशॉपमध्ये मंगळवारी दुपारी एका नॉन-एसी स्लीपर डब्याला भीषण आग लागली. या घटनेत सुदैवाने कोणतीही जीवितहानी झाली नाही. दुपारी ३.१० वाजण्याच्या सुमारास ही आग लागल्याची माहिती रेल्वे अधिकाऱ्यांनी दिली.

घटनेची माहिती मिळताच अग्निशमन दलाला पाचारण करण्यात आले आणि दुपारी ४ वाजेपर्यंत आगीवर नियंत्रण मिळवण्यात यश आले, असे मध्य रेल्वेच्या प्रवक्त्याने सांगितले. जोरदार वाऱ्यामुळे आग वेगाने पसरली आणि या रेल्वे डब्याचा वरचा सुमारे ७० टक्के भाग आगीत जळून खाक झाला, अशी माहिती मध्य रेल्वेचे मुख्य जनसंपर्क अधिकारी स्वप्नील निला यांनी दिली.

वेल्डिंगच्या ठिणग्यांमुळे लागली आग

प्राथमिक तपासानुसार, वर्कशॉपमध्ये सुरू असलेल्या वेल्डिंगच्या कामातून उडालेल्या ठिणग्यांमुळे जवळच असलेल्या साहित्याने पेट घेतला आणि ही आग लागली. आग लागलेला डबा तातडीने खुल्या जागेत हलवण्यात आला. मध्य रेल्वेचे हे ११० वर्षे जुने वर्कशॉप रेल्वेगाड्यांच्या देखभालीसाठी आणि दुरुस्तीसाठी ओळखले जाते.

मनमानी वेतन कपातीला लगाम; कामाचे तास, साप्ताहिक सुट्टीबाबत महाराष्ट्र वेतन नियम २०२६ लागू

ठाणे : जिल्ह्यातील सर्व शाळा व आरोग्य केंद्रे होणार अत्याधुनिक; २६ जानेवारी २०२८ पर्यंत पूर्ण करण्याचे उद्दिष्ट; ८०० कोटींची तरतूद

Mumbai : कॅफे आयडियल, चेतनासह नऊ रेस्टॉरंट्सचे परवाने निलंबित; FDA ची मोठी कारवाई

Mumbai : वर्षभर रस्ते स्वच्छ ठेवा; VIP भेटीवेळीच देखावा नको; उच्च न्यायालयाने महापालिकेला सुनावले

PF खात्यात किती पैसे जमा आहेत? आता WhatsApp वर फक्त Hi पाठवा अन् A टू Z माहिती मिळवा; जाणून घ्या सोपी पद्धत