Mumbai : नेव्ही नगरमध्ये नौदल जवानासह पत्नी आणि दोन चिमुकल्यांचा मृत्यू; घरात आढळले चौघांचे मृतदेह  
मुंबई

Mumbai : नेव्ही नगरमध्ये नौदल जवानासह पत्नी आणि दोन चिमुकल्यांचा मृत्यू; घरात आढळले चौघांचे मृतदेह

पोलिसांच्या प्राथमिक तपासानुसार, नौदल जवानाचा मृत्यू गळफास घेतल्याने झाल्याचे प्रथमदर्शनी दिसून आले आहे.

किशोरी घायवट-उबाळे

मुंबई : कुलाबा परिसरातील नेव्ही नगरमध्ये नौदल जवान, त्यांची पत्नी आणि दोन चिमुकली मुले अशा एकाच कुटुंबातील चौघांचा मृत्यू झाल्याने खळबळ उडाली आहे. १५ ऑगस्ट रोजी या कुटुंबातील चौघांचे मृतदेह त्यांच्या निवासस्थानी आढळले. प्राथमिक तपासानुसार, नौदल जवानाचा मृत्यू गळफास घेतल्याने, तर पत्नी आणि दोन मुलांचा मृत्यू विषबाधेमुळे झाल्याचा पोलिसांचा अंदाज आहे. मात्र, मृत्यूचे नेमके कारण शवविच्छेदन अहवालानंतरच स्पष्ट होणार आहे.

नेव्ही नगरमधील घरात चौघांचे मृतदेह

कुलाबा येथील उच्च सुरक्षा असलेल्या नेव्ही नगर कॅन्टोन्मेंट परिसरातील एका फ्लॅटमध्ये हे चौघे राहत होते. शनिवारी या घटनेची माहिती समोर आल्यानंतर स्थानिक पोलिसांनी तातडीने घटनास्थळी धाव घेतली. घराची पाहणी केल्यानंतर पोलिसांनी मृतदेह ताब्यात घेऊन पुढील तपास सुरू केला.

दोन महिन्यांचे आणि तीन वर्षांचे चिमुकले

मृतांमध्ये नौदल जवानाच्या पत्नीसह त्यांच्या दोन महिन्यांच्या आणि तीन वर्षांच्या मुलांचा समावेश आहे. इतक्या लहान मुलांसह एकाच कुटुंबातील चौघांचा मृत्यू झाल्याने परिसरात हळहळ व्यक्त होत आहे.

जवानाचा गळफासाने मृत्यू झाल्याचा प्राथमिक अंदाज

पोलिसांच्या प्राथमिक तपासानुसार, नौदल जवानाचा मृत्यू गळफास घेतल्याने झाल्याचे प्रथमदर्शनी दिसून आले आहे. तर त्यांच्या पत्नी आणि दोन्ही मुलांचा मृत्यू विषबाधेमुळे झाला असावा, असा पोलिसांचा अंदाज आहे. मात्र, या निष्कर्षाची अधिकृत पुष्टी अद्याप झालेली नाही.

शवविच्छेदन अहवालाची प्रतीक्षा

पोलिसांनी मृतदेह शवविच्छेदनासाठी पाठवले आहेत. शवविच्छेदन अहवाल आल्यानंतरच मृत्यूचे नेमके कारण आणि परिस्थिती स्पष्ट होईल, असे पोलिसांनी सांगितले. या घटनेमागील नेमकी कारणे आणि घरातील घटनाक्रमाचा तपासही सुरू आहे.

नौदलाकडूनही अधिकृत माहिती

नौदलाच्या माहितीनुसार, १५ ऑगस्ट २०२६ रोजी नेव्ही नगर, कुलाबा येथील निवासस्थानी नौदल जवान, त्यांची पत्नी आणि दोन मुले मृतावस्थेत आढळली. या प्रकरणाच्या तपासात पोलिसांना नौदलाकडून सर्वतोपरी सहकार्य केले जात आहे.

घटनाक्रमाचा तपास सुरू

या कुटुंबाच्या निवासस्थानी नेमके काय घडले, चौघांच्या मृत्यूमागील परिस्थिती काय होती आणि या घटनेचा घटनाक्रम कसा होता, याचा पोलिसांकडून तपास केला जात आहे. सध्या या प्रकरणातील अधिक तपशील समोर आलेले नाहीत.

(इंग्रजीत वाचण्यासाठी येथे क्लिक करा.)

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न