विक्रोळी स्थानकात विनातिकीट प्रवाशांवर रेल्वेची धडक कारवाई; १ लाखांहून अधिक दंड वसूल 
मुंबई

Mumbai : विक्रोळी स्थानकात विनातिकीट प्रवाशांवर रेल्वेची धडक कारवाई; १ लाखांहून अधिक दंड वसूल

सायंकाळच्या गर्दीच्या वेळेत विक्रोळी स्थानकात मध्य रेल्वेच्या विशेष तपासणी मोहिमेत ४२१ विनातिकीट प्रवासी सापडले असून १ लाखांहून अधिक दंड वसूल करण्यात आला. भांडूप स्थानकातही अशीच कारवाई करण्यात आली.

Mayuri Gawade

मुंबईच्या उपनगरी रेल्वेमधील विनातिकीट प्रवासावर लगाम घालण्यासाठी मध्य रेल्वेकडून सायंकाळच्या गर्दीच्या वेळेत विशेष 'फोर्ट्रेस' तपासणी मोहीम राबवण्यात आली. विक्रोळी आणि भांडूप स्थानकांवर झालेल्या या कारवाईत शेकडो विनातिकीट प्रवाशांवर दंडात्मक कारवाई करण्यात आली.

सायंकाळी गर्दीच्या वेळी मोठी कारवाई

मध्य रेल्वेच्या डीआरएम कार्यालयाने दिलेल्या माहितीनुसार, सोमवार, २३ मार्च रोजी सायंकाळच्या गर्दीच्या वेळेत विक्रोळी स्थानकात विशेष तपासणी मोहीम राबवण्यात आली. या मोहिमेत एकूण ४२१ विनातिकीट प्रवासी आढळून आले असून, त्यांच्याकडून १,०३,८४५ रुपयांचा दंड वसूल करण्यात आला.

भांडूप स्थानकातही कारवाई

याच दिवशी भांडूप स्थानकातही अशाच प्रकारची तपासणी करण्यात आली. येथे सुमारे ३८० विनातिकीट प्रवासी सापडले असून, त्यांच्याकडून ९१,१६० रुपयांचा दंड वसूल करण्यात आला.

सोशल मीडियावर प्रतिक्रिया

या कारवाईनंतर सोशल मीडियावर नागरिकांनी प्रतिक्रिया देत कर्जत, कसारा तसेच हार्बर मार्गावरील स्थानकांवरही अशा मोहिमा राबवण्याची मागणी केली. अनेक प्रवासी विनातिकीट प्रवास करत असल्याचा मुद्दा त्यांनी उपस्थित केला.

महसूल संरक्षणासाठी विशेष मोहीम

मध्य रेल्वेच्या अधिकाऱ्यांच्या म्हणण्यानुसार, अशा विशेष तपासणी मोहिमांचा उद्देश रेल्वेचा महसूल सुरक्षित ठेवणे आणि प्रामाणिकपणे तिकीट काढून प्रवास करणाऱ्या प्रवाशांना न्याय मिळवून देणे हा आहे.

मुंबईतील लोकल ट्रेन ही शहरातील सर्वात स्वस्त प्रवासाचे साधन असले तरी, विनातिकीट प्रवास आणि बनावट तिकीटांच्या घटना अजूनही चिंतेचा विषय असून, यावर कठोर कारवाईची गरज असल्याचे अधोरेखित झाले आहे.

Mumbai Local Update : उद्या तिन्ही रेल्वे मार्गांवर ब्लॉक

प्रत्येक बालकाला २२ नोव्हेंबरला पोलिओचे डोस; मुंबईत रविवारी पल्स पोलिओ मोहीम; २३ ते २७ नोव्हेंबरदरम्यान लसीकरण

Instagram New Feature : स्टोरी पोस्ट करताना चूक झाली? टेन्शन नको! १५ मिनिटांत 'अशी' करा एडिट; जाणून घ्या सर्व प्रोसेस

Pune : महाराष्ट्र साहित्य परिषदेच्या आवारात महिलांचा राडा; शिवसेना ठाकरे गटाच्या रेखा कोंडे यांना मारहाण, चौघींवर गुन्हा दाखल

Mumbai : तरुणीची छेड काढली, विरोध करताच दोघांना बेदम मारहाण; कुर्ल्यातील व्हायरल VIDEO प्रकरणी ८ अल्पवयीन ताब्यात