Nalasopara : वाढदिवसाच्या केकमध्ये मृत पाल? चिमुकल्यांसह ११ जण रुग्णालयात, परिसरात खळबळ 
मुंबई

Nalasopara : वाढदिवसाच्या केकमध्ये मृत पाल? चिमुकल्यांसह ११ जण रुग्णालयात, परिसरात खळबळ

नालासोपाऱ्यात वाढदिवसाच्या केकमध्ये मृत पाल आढळल्याचा धक्कादायक प्रकार समोर आला आहे. केक खाल्ल्यानंतर चिमुकल्यांसह ११ जणांची प्रकृती बिघडली असून त्यांना रुग्णालयात दाखल करण्यात आले.

Mayuri Gawade

नालासोपारा : वाढदिवसाच्या सेलिब्रेशनसाठी आणलेल्या केकमध्ये मृत पाल आढळल्याचा धक्कादायक प्रकार शनिवारी (दि.१५) नालासोपाऱ्यातून समोर आला आहे. हा केक खाल्ल्यानंतर ११ जणांची प्रकृती बिघडल्याने त्यांना तातडीने रुग्णालयात दाखल करण्यात आले. यामध्ये लहान मुलांचाही समावेश आहे.

वाढदिवसाच्या केकमध्ये पाल आढळल्याने खळबळ

मिळालेल्या माहितीनुसार, नालासोपारा येथील नीलकंठेश्वर इमारतीत एका मुलीचा वाढदिवस साजरा करण्यात येत होता. यासाठी इमारतीसमोर असलेल्या चामुंडा डेअरीच्या केक शॉपमधून केक आणण्यात आला होता. वाढदिवसाचा केक कापल्यानंतर उपस्थितांनी तो खाण्यास सुरुवात केली. त्याचवेळी केकमध्ये मृत पाल आढळल्याचा दावा करण्यात आला. त्यामुळे उपस्थितांमध्ये एकच घबराट उडाली.

केक खाल्ल्यानंतर ११ जणांची प्रकृती बिघडली

केक खाल्ल्यानंतर काही जणांना अस्वस्थ वाटू लागले. त्यानंतर एकूण ११ जणांना उपचारासाठी विजयलक्ष्मी रुग्णालयात दाखल करण्यात आले. रुग्णांमध्ये २ वर्षांपासून ४० वर्षांपर्यंतच्या व्यक्तींचा समावेश आहे.

रुग्णांमध्ये उर्मिला वर्मा (३२), सलोनी गुप्ता (१६), सुदिक्षा शाह (१९), आफिया इद्रिस (२४), रुबी शाह (४०), शिव गुप्ता (१०), प्रियांश वर्मा (२), परी यादव (७), प्रिया वर्मा (८), रुद्र शाह (१३) आणि प्राची यादव (८) यांचा समावेश आहे.

सर्वांची प्रकृती स्थिर; वैद्यकीय अहवालाची प्रतीक्षा

रुग्णालयाच्या माहितीनुसार, दाखल करण्यात आलेल्या सर्वांची प्रकृती सध्या स्थिर आहे. मात्र, केकमुळेच त्यांची प्रकृती बिघडली का, याची अद्याप अधिकृत पुष्टी झालेली नाही. याबाबतचा वैद्यकीय अहवाल आल्यानंतर आजारपणाचे नेमके कारण स्पष्ट होणार आहे.

दरम्यान, केक तयार करताना आणि पॅक करताना स्वच्छतेची योग्य काळजी घेण्यात आली होती का, तसेच केकमध्ये पाल कशी आली, याबाबतही प्रश्न उपस्थित झाले आहेत. या प्रकरणी संबंधित यंत्रणांकडून पुढील चौकशी होण्याची शक्यता आहे.

(इंग्रजी बातमी वाचण्यासाठी येथे क्लिक करा.)

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न