मुंबई

Grant Road: ग्रँट रोड येथील इमारतीचा भाग कोसळून वृद्धेचा मृत्यू, ४ जखमी

ग्रँट रोड रेल्वे स्थानकाजवळील ‘रुबिनीसा’ या चार मजली इमारतीचा भाग शनिवारी सकाळी ११ वाजण्याच्या सुमारास कोसळला.

Swapnil S

मुंबई : ग्रँट रोड रेल्वे स्थानकाजवळील ‘रुबिनीसा’ या चार मजली इमारतीचा भाग शनिवारी सकाळी ११ वाजण्याच्या सुमारास कोसळला. यात वीरा वाडिया (८०) या महिलेचा मृत्यू झाला, तर चार जण जखमी झाले. जखमींपैकी तिघांना भाटिया रुग्णालयात, तर एकाला ब्रीच कॅन्डी रुग्णालयात दाखल केले. या घटनेचा तपास स्थानिक पोलीस व पालिका अधिकारी करीत आहेत.

ग्रँट रोड पश्चिम येथील स्लेटर रोडवरील तळ अधिक चार मजली रुबिनीसा मंझील ही म्हाडाची इमारत आहे. ही इमारत ८० वर्षे जुनी आहे. तिचा काही भाग कोसळला. त्यामुळे इमारतीतील रहिवाशांमध्ये घबराट पसरली.

या दुर्घटनेची माहिती मिळताच मुंबई अग्निशमन दलाने घटनास्थळी धाव घेत बचावकार्य सुरू केले. इमारतीत अडकलेल्या १० ते १२ रहिवाशांना सुखरूप बाहेर काढले. इमारतीच्या ढिगाऱ्याखाली दबून वृद्धेचा मृत्यू झाला.

या दुर्घटनेत अतुल शहा, निकेत शहा, विजयकुमार निशाद, सिद्धेश पालिजा हे जखमी झाले आहेत.

Mumbai Local Update : उद्या तिन्ही रेल्वे मार्गांवर ब्लॉक

प्रत्येक बालकाला २२ नोव्हेंबरला पोलिओचे डोस; मुंबईत रविवारी पल्स पोलिओ मोहीम; २३ ते २७ नोव्हेंबरदरम्यान लसीकरण

Instagram New Feature : स्टोरी पोस्ट करताना चूक झाली? टेन्शन नको! १५ मिनिटांत 'अशी' करा एडिट; जाणून घ्या सर्व प्रोसेस

Pune : महाराष्ट्र साहित्य परिषदेच्या आवारात महिलांचा राडा; शिवसेना ठाकरे गटाच्या रेखा कोंडे यांना मारहाण, चौघींवर गुन्हा दाखल

Mumbai : तरुणीची छेड काढली, विरोध करताच दोघांना बेदम मारहाण; कुर्ल्यातील व्हायरल VIDEO प्रकरणी ८ अल्पवयीन ताब्यात